قر ٸشكٸ ٸستەر مينيسترلٸگٸ تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر گازبەن جٷرەتٸن كٶلٸكتەردٸ جابىق اۆتوتۇراققا قويۋعا نەگە تىيىم سالىنعانىن تٷسٸندٸردٸ, دەپ حابارلايدى قازاقپارات.
ونىڭ ايتۋىنشا, 2019 جىلدىڭ جەلتوقسانىندا قر ٶرت قاۋٸپسٸزدٸگٸ ەرەجەلەرٸنە ٶزگەرتۋلەر مەن تولىقتىرۋلار ەنگٸزگەن ٷكٸمەت قاۋلىسى قابىلداندى, وندا گازبەن جٷرەتٸن كٶلٸكتەردٸڭ جابىق پاركينگتەرگە كٸرۋٸنە تىيىم سالىندى.
«مۇنداي قادامعا نەلٸكتەن بارعانىمىزدى تٷسٸندٸرەيٸن. تج كوميتەتٸ تالداۋ جٷرگٸزٸپ, گازبەن جابدىقتالعان اۆتوكٶلٸك ٶرتٸنٸڭ كٶبەيگەنٸن انىقتادى. جىل سايىن رەسپۋبليكا بويىنشا 2,5 مىڭ اۆتوكٶلٸكتە ٶرت تۇتانادى. سوڭعى ٷش جىلدا - 2016-2019 جىلدارى گازبەن جابدىقتالعان كٶلٸكتەردە 374 ٶرت بولىپ, 5 ادام مەرت بولعان. بۇل كٶرسەتكٸش جىل سايىن ارتىپ كەلەدٸ. مەسەلەن, 2016 جىلى 74 ٶرت بولسا, 2017 جىلى – 80, 2018 جىلى – 114, ال 2019 جىلى – 106 وقيعا تٸركەلگەن», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, ۆ. بەككەر تۇرعىن ٷيلەردٸڭ اۆتوتۇراقتارىنداعى گازدىڭ يٸسٸ تۋرالى شاعىم كٶبەيگەنٸن جەتكٸزدٸ.
«بٸرنەشە رەت پاركينگتەرگە بارىپ, بۇل اۆتوكٶلٸكتەردٸڭ گازىنان ايتارلىقتاي قاۋٸپ بارىن, تج, ٶرت نەمەسە جارىلىس بولۋى مٷمكٸن ەكەنٸن انىقتادىق. تۇرعىن ٷيلەردەگٸ گاز جارىلۋ وقيعالارىنىڭ قانشاما رەت كۋەسٸ بولدىق. گاز جارىلىسى ٶتە قاۋٸپتٸ, ەسٸرەسە تٶمەنگٸ قاباتتارداعى جارىلىس تۇتاس عيماراتتىڭ قۇلاۋىنا ەكەلٸپ سوعادى. بٸز قازاقستانداعى قۇرىلىس نورمالارىن قاراستىردىق, وندا عيماراتتارمەن جاپسارلاس سالىنعان اۆتوتۇراقتارعا گازبەن جٷرەتٸن كٶلٸك قويۋعا تىيىم سالىنعان. وسىعان بايلانىستى ٶرت قاۋٸپسٸزدٸگٸ ەرەجەلەرٸنە ٶزگەرٸستەر ەنگٸزۋ جوباسىن جاسادىق», - دەپ اتاپ ٶتتٸ ول.
اتالعان جوبا ۇلتتىق كەسٸپكەرلەر پالاتاسىنا جٸبەرٸلدٸ.
2019 جىلدىڭ 13 جەلتوقسانىندا ٷكٸمەت قاۋلىسى قابىلداندى جەنە 1 قاڭتاردان باستاپ كٷشٸنە ەندٸ.
