Izraildiń ońtústiginde Gazanyń zymyran shabýylynan eki tailandtyq jumysshy mert boldy. Izrail tarabynan jasalǵan soqqy Palestina aýmaǵyndaǵy taǵy bir kóp qabatty ǵimaratty qiratty. Izrail men HAMAS toby arasynda sońǵy jyldary bolmaǵan iri qaqtyǵys jalǵasyp jatyr.
Batys jaǵalaýda onyń ishinde Ramallah qalasynda 18 mamyrda tártipsizdik tutanyp, Palestinanyń júzdegen turǵyny rezeńke órtep, Izraildiń áskeri baqylaý pýnktine tas laqtyrdy. Ásker jinalǵan topqa kózden jas aǵyzatyn gaz shashty.
BUU-nyń Qaýipsizdik keńesi shuǵyl otyrys ótkizedi. Izrail premer-ministri Biniamin Netaniahý "qansha shabýyl qajet bolsa, sonsha soqqy" jasai beretinin málimdedi.
Gazanyń densaýlyq saqtaý ministrliginiń málimetinshe, Izrail tarabynan jasalǵan zymyran soqqylarynan Gazada 215 palestinalyq (61-i bala) qaza boldy, 1400-den astam adam jaralandy.
Al Gazanyń Izrailge jasaǵan soqqylarynan 12 adam qaza bolǵan, jaraqattanǵandar da bar.
