يزرايلدٸڭ وڭتٷستٸگٸندە گازانىڭ زىمىران شابۋىلىنان ەكٸ تايلاندتىق جۇمىسشى مەرت بولدى. يزرايل تارابىنان جاسالعان سوققى پالەستينا اۋماعىنداعى تاعى بٸر كٶپ قاباتتى عيماراتتى قيراتتى. يزرايل مەن حاماس توبى اراسىندا سوڭعى جىلدارى بولماعان ٸرٸ قاقتىعىس جالعاسىپ جاتىر.
باتىس جاعالاۋدا ونىڭ ٸشٸندە راماللاح قالاسىندا 18 مامىردا تەرتٸپسٸزدٸك تۇتانىپ, پالەستينانىڭ جٷزدەگەن تۇرعىنى رەزەڭكە ٶرتەپ, يزرايلدٸڭ ەسكەري باقىلاۋ پۋنكتٸنە تاس لاقتىردى. ەسكەر جينالعان توپقا كٶزدەن جاس اعىزاتىن گاز شاشتى.
بۇۇ-نىڭ قاۋٸپسٸزدٸك كەڭەسٸ شۇعىل وتىرىس ٶتكٸزەدٸ. يزرايل پرەمەر-مينيسترٸ بينيامين نەتانياحۋ "قانشا شابۋىل قاجەت بولسا, سونشا سوققى" جاساي بەرەتٸنٸن مەلٸمدەدٸ.
گازانىڭ دەنساۋلىق ساقتاۋ مينيسترلٸگٸنٸڭ مەلٸمەتٸنشە, يزرايل تارابىنان جاسالعان زىمىران سوققىلارىنان گازادا 215 پالەستينالىق (61-ٸ بالا) قازا بولدى, 1400-دەن استام ادام جارالاندى.
ال گازانىڭ يزرايلگە جاساعان سوققىلارىنان 12 ادام قازا بولعان, جاراقاتتانعاندار دا بار.
