Foto ashyq derekkózden alyndy
Gaza sektorynan shyǵarylǵan Qazaqstan azamattary Kairden bir ushaqpen jetkizilýi múmkin. Bul týraly Syrtqy ister ministrliginiń resmi ókili Aibek Smadiiarov aitty, dep habarlaidy Kazinform agenttigi.
«Buǵan deiin aitqanymyzdai, Gaza sektorynda 76 azamatymyz bar. Olardyń otbasy múshelerin qosa alǵanda — 161 adam. Biraq tsifr ózgerip turady. Bul tizimdegi keibir adam evakýatsiia kriteriiine kirmeidi. Aitalyq, bizge esh qatysy joq Palestina azamaty tizimde bar bolyp shyqty. Ony Izraildiń de, Gaza sektorynyń da, Mysyrdyń da biligi tekseredi. Sondyqtan biýrokratiialyq, diplomatiialyq jaǵdai bolyp tur. Munyń ústine Kairden Rafakqa deiin jetý de biraz ýaqytty alady. Kóptegen blokpostar bar, olar ótken barlyq kólikti tekseredi», — dedi Aibek Smadiiarov ministrlikte ótken aptalyq brifingte.
Onyń aitýynsha, otandastarymyz Kairǵa jetkizilgennen keiin olardy ushaqpen Qazaqstanǵa ákelý josparlanǵan.
«Biraq ázirge Gaza sektorynan 44 adamdy ǵana shyǵaramyz. Kairdan jetkizýdiń basqa da joldaryn qarastyramyz. Gaza sektorynda qalyp qoiǵan qalǵan adamdardyń shyǵarylýyn kútip, bárin bir ushaqpen alyp kelemiz. Bolmasa bólek-bólek elge jetkizemiz. Bul mańyzdy emes. Bizdiń basty mindetimiz — azamattarymyzdy Gaza sektorynan shyǵarý», — dedi SIM ókili.
Búgin Qazaqstan Gaza sektoryndaǵy azamattaryn evakýatsiialaý protsesin bastaǵanyn habarlaǵan edik.
