فوتو اشىق دەرەككٶزدەن الىندى
گازا سەكتورىنان شىعارىلعان قازاقستان ازاماتتارى كايردەن بٸر ۇشاقپەن جەتكٸزٸلۋٸ مٷمكٸن. بۇل تۋرالى سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى Kazinform اگەنتتٸگٸ.
«بۇعان دەيٸن ايتقانىمىزداي, گازا سەكتورىندا 76 ازاماتىمىز بار. ولاردىڭ وتباسى مٷشەلەرٸن قوسا العاندا — 161 ادام. بٸراق تسيفر ٶزگەرٸپ تۇرادى. بۇل تٸزٸمدەگٸ كەيبٸر ادام ەۆاكۋاتسييا كريتەرييٸنە كٸرمەيدٸ. ايتالىق, بٸزگە ەش قاتىسى جوق پالەستينا ازاماتى تٸزٸمدە بار بولىپ شىقتى. ونى يزرايلدٸڭ دە, گازا سەكتورىنىڭ دا, مىسىردىڭ دا بيلٸگٸ تەكسەرەدٸ. سوندىقتان بيۋروكراتييالىق, ديپلوماتييالىق جاعداي بولىپ تۇر. مۇنىڭ ٷستٸنە كايردەن رافاكقا دەيٸن جەتۋ دە بٸراز ۋاقىتتى الادى. كٶپتەگەن بلوكپوستار بار, ولار ٶتكەن بارلىق كٶلٸكتٸ تەكسەرەدٸ», — دەدٸ ايبەك سماديياروۆ مينيسترلٸكتە ٶتكەن اپتالىق بريفينگتە.
ونىڭ ايتۋىنشا, وتانداستارىمىز كايرعا جەتكٸزٸلگەننەن كەيٸن ولاردى ۇشاقپەن قازاقستانعا ەكەلۋ جوسپارلانعان.
«بٸراق ەزٸرگە گازا سەكتورىنان 44 ادامدى عانا شىعارامىز. كايردان جەتكٸزۋدٸڭ باسقا دا جولدارىن قاراستىرامىز. گازا سەكتورىندا قالىپ قويعان قالعان ادامداردىڭ شىعارىلۋىن كٷتٸپ, بەرٸن بٸر ۇشاقپەن الىپ كەلەمٸز. بولماسا بٶلەك-بٶلەك ەلگە جەتكٸزەمٸز. بۇل ماڭىزدى ەمەس. بٸزدٸڭ باستى مٸندەتٸمٸز — ازاماتتارىمىزدى گازا سەكتورىنان شىعارۋ», — دەدٸ سٸم ٶكٸلٸ.
بٷگٸن قازاقستان گازا سەكتورىنداعى ازاماتتارىن ەۆاكۋاتسييالاۋ پروتسەسٸن باستاعانىن حابارلاعان ەدٸك.
