Qazaq gaz óńdeý zaýytynda órt saldaryn joiý jumystary aiaqtalyp, kásiporyn jumysy tolyǵymen qalpyna keltirildi, dep habarlaidy "Ult aqparat" «QazMunaiGaz» baspasóz qyzmetine silteme jasap.
Qysqa merzim ishinde zaýytty tolyq qýatta iske qosý úshin qandai jumystardyń atqarylǵany týraly QazGÓZ direktory Naqbergen Tólepov málim etti.
Onyń aitýynsha, qalpyna keltirý jumystaryna úsh aýysymmen táýlik boiy jumys istegen 75 maman jumyldyryldy. Ziian keltirilgen konstrýktsiia men qosalqy jabdyqtyń bólikteriniń demontajy júzege asyryldy. Jańa radiatorlar, jylý almastyrǵyshtar, jeldetkishter, elektr qozǵaltqyshtary aýystyryldy, elektr symdary júrgizildi jáne t.b.
«Ujymnyń úilesimdi is-áreketi men «QazMunaiGaz» qoldaýynyń arqasynda órt saldaryn tolyq joiyp, kásiporyn jumysyn qalpyna keltirdik», – dep atap ótti Tólepov.
Júrgizilgen jumystar 100 paiyzǵa shiki gazdy qabyldaýdy qamtamasyz etýge múmkindik berdi. Zaýyt qalypty tehnologiialyq rejimge shyqty – saǵatyna 95-100 myń tekshe metr gaz.
Eske sala keteiik, 16 maýsymda Nur-Sultan q. ýaqytymen saǵat 23.15 Mańǵystaý oblysynyń Jańaózen qalasynda ornalasqan «Qazaq gaz óńdeý
zaýyty» JShS kompressorlyq tsehynyń aýa tońazytqyshynda órt shyqty.
Órt saǵat 23:52-de tolyq joiyldy. Qaitys bolǵandar men zardap shekkender joq. «QazMunaiGaz» ulttyq kompaniiasynda Basqarma tóraǵasy Alik Aidarbaevtyń basshylyǵymen jedel shtab jumys isteýde.
