Foto: t.me/vechernaya_karaganda
"Gaz ben tejegishtiń qaisysyn basqanymdy bilmeimin". Qaraǵandy oblysynda balalardy qaǵyp ketken depýtat turǵyndarǵa osylai degen, dep habarlaidy Sputnik Qazaqstan saity.
Jol apatyna túsken eki bala – aǵaiyndy. Olar oqiǵa bolǵan kúni mal baǵyp júrgen ákesine kómektesýge barǵan.
"Men aýyldyń 360 bas siyryn baǵamyn. Balalar ylǵi da kómektesip júredi. Sol 360 maldy joldan ótkizip jatqanymyzda kólik kelip qaqty. Qalai bolǵanyn uqpai qaldym. Biraq kólik qatty jyldamdyqpen keldi. Ózim mototsiklden túsip, tabynnyń shet jaǵynda júrgenmin. Oqiǵa kóz aldymda boldy. Qas qaǵym sátte ne bolǵanyn uqpai qaldym. Balalarym ushyp ketti. Júgirip kelsem, jerde jatyr eken", - deidi zardap shekken balalardyń ákesi Sez Láilá.
Oqiǵa bolǵan sátte malyn taratyp aidap áketý úshin turǵyndar da trassa boiynda turǵan. Aitýlarynsha, jol talǵamaityn kólik qatty jyldamdyqpen kelgen.
"Bul trassadan mal ótip júrgenine 40 jyl boldy. Mal ótetin oryn degen jol belgisi joq. Biraq "Tasshoqy" degen aýyl aty jazylǵan belgi tur. Jol apaty sol belginiń janynda boldy", - deidi turǵyndar.
Saldarynan 8 mal sol jerde ólgen. Al depýtat Anar Bozaeva zardap shekken balalardyń otbasyna kelip, qoldan kelgen kómegin aiamaitynyn aitypty.
"Kólik iesi kelip, qoldan kelgen kómegin kórsetetinin aitty. Bul endi jazym ǵoi. Ádeii kelip qaqqan joq. Ol kisiniń aitqany "shok bolǵanym sonshalyq, gazdy bastym ba, tejegishti bastym ba bilmeimin" dedi", - deidi zardap shekken balalardyń týysy Arman Máti.
Aita keteri, balalar men maldy qaǵyp ketken depýtat Anar Bozaeva - "AMANAT" partiiasy Buqar jyraý aýdandyq filialynyń tóraǵasy. Apat bolǵan jerge jaqyn mańdaǵy Botaqara aýylynda týyp-ósken.
