Aqmola oblysynda 12 adamnyń ómirin qiǵan jarylys pen órtke qatysty qylmystyq is sotqa joldandy, dep habarlaidy ult.kz.
Qaiǵyly oqiǵa 2026 jylǵy 26 aqpanda bolǵan. Aldyn ala málimet boiynsha, gaz ballony jarylyp, arty iri órtke ulasqan.
Oblystyń arnaiy prokýrorlary atalǵan fakti boiynsha júrgizilgen sotqa deiingi tergep-tekserýdi aiaqtady. Oqiǵa saldarynan 12 adam qaza taýyp, taǵy 11 adam túrli dárejedegi jaraqat alǵan. Sondai-aq ǵimarat iesine asa iri kólemde materialdyq shyǵyn keltirilgen.
Tergeý barysynda qylmystyq jaýapkershilikke kafeni jalǵa alýshy, avtogaz quiý stantsiiasynyń direktory jáne gaz jetkizýmen ainalysqan tulǵa tartylǵan.
Olardyń áreketteri Qylmystyq kodekstiń 292-baby 3-bóligi («Órt qaýipsizdigi talaptaryn buzý») jáne 306-baby 3-bóligi («Qaýipsizdik talaptaryna sai kelmeitin qyzmet kórsetý») boiynsha saralanǵan.
Arnaiy prokýrorlardyń málimetinshe, tergeý barysynda qaýipsizdik talaptarynyń buzylýy men oryn alǵan aýyr zardaptar arasynda tikelei sebep-saldarlyq bailanys anyqtalǵan.
Qylmystyq is materialdary sotqa joldandy. Endi is boiynsha túpkilikti sheshimdi sot qabyldaidy.
