video kadrlary
Almaty oblysy Qarasai aýdany Shamalǵan aýylynyń turǵyndary ereýilge shyqty, dep habarlaidy Sputnik Qazaqstan portaly.
20 myńǵa jýyq turǵyny bar Shamalǵan gaz máselesiniń zardabyn tartyp keledi. Turǵyndardyń aitýynsha, aýylǵa gaz tasymaldaýshy "Sigma" kompaniiasy jylý tarifin qaita-qaita qymbattatyp otyr.
"Ótken aida gaz eseptegish qural 50-de turdy. Sol kúii ózgertken joqpyn. Bul aida da esepteýish quraldy 50-ge qoidyq. Biraq osy aida on myń teńgege tólemaqy artyq keldi", - deidi Quralai Berdiońǵarova.
Almaty oblysy qysta gazben jylidy. Qarasai aýdanynda úsh birdei gaz kompaniiasy bar. Sonyń biri - "Sigma". Úsh kompaniianyń ishindegi qymbaty da - osy "Sigma", óitkeni gazdy Reseiden tasymaldaityn kórinedi. Aýdannyń ózge aýyldary gazdyń bir kýbyna 26-28 teńgeden tólese, Shamalǵan aýylynyń turǵyndary gazdyń bir kýbyna 35 teńge tóleidi.
"Sigma kompaniiasy sońǵy eki jylda on teńgege qymbattady. Gaz qysymy óte tómen boldy. Aiazdy kúnderi tórt kún jylýsyz qaldyq. Gazdy toqtatyp tastady. Kompaniianyń qyzmet sapasy tómen", - deidi turǵyndar.
Almatyny aiaz qysqan kúnderi Qarasai aýdanynda birneshe aýyl jylýsyz qalǵan bolatyn. Sebep gaz qubyrlarynda sý qatyp, isten shyqqan.
Ákimdiktiń aitýynsha, kompaniia gaz qubyrlaryn teksermegen. Ereýilge kelgen aýdan ákimi aýyl turǵyndaryna kompaniiany tekserý týraly usynys aitty.
"Sigma" kompaniiasyna bizdiń de shaǵymymyz kóp. Biraq bulai shýlap, esh nárseni sheshpeimiz. Ol jekemenshik kompaniia bolǵandyqtan, "tarifti túsir" dep talap qoiýǵa haqymyz joq. Negizi bul tarifti kompaniiaǵa antimonopoliia bekitip bergen. Endi biz birneshe adamnan qurylǵan komissiia quryp, kompaniianyń jumysyna tekserý júrgizemiz. Kótergen tarifine orai sapaly qyzmet kórsetip otyr ma, joq pa bilýimiz kerek. Tek sodan keiin ǵana tarifti arzandatý týraly talap qoia alamyz", - deidi Qarasai aýdanynyń ákimi Jasulan Estenov.
Shamalǵandyqtar "Sigma" kompaniiasynyń naryqtan ketýin nemese tarif aqysyn tómendetip qaita esepteýdi talap etti. "Eger talap oryndalmasa, gaz aqysynyń bir tiynyn da tólemeimiz", deidi turǵyndar.
Al halyqpen kezdesýge kelgen "Sigma" basshylyǵy turǵyndar narazylyǵyna mardymdy jaýap qatpady.
