ۆيدەو كادرلارى
الماتى وبلىسى قاراساي اۋدانى شامالعان اۋىلىنىڭ تۇرعىندارى ەرەۋٸلگە شىقتى, دەپ حابارلايدى Sputnik قازاقستان پورتالى.
20 مىڭعا جۋىق تۇرعىنى بار شامالعان گاز مەسەلەسٸنٸڭ زاردابىن تارتىپ كەلەدٸ. تۇرعىنداردىڭ ايتۋىنشا, اۋىلعا گاز تاسىمالداۋشى "سيگما" كومپانيياسى جىلۋ تاريفٸن قايتا-قايتا قىمباتتاتىپ وتىر.
"ٶتكەن ايدا گاز ەسەپتەگٸش قۇرال 50-دە تۇردى. سول كٷيٸ ٶزگەرتكەن جوقپىن. بۇل ايدا دا ەسەپتەۋٸش قۇرالدى 50-گە قويدىق. بٸراق وسى ايدا ون مىڭ تەڭگەگە تٶلەماقى ارتىق كەلدٸ", - دەيدٸ قۇرالاي بەردٸوڭعاروۆا.
الماتى وبلىسى قىستا گازبەن جىليدى. قاراساي اۋدانىندا ٷش بٸردەي گاز كومپانيياسى بار. سونىڭ بٸرٸ - "سيگما". ٷش كومپانييانىڭ ٸشٸندەگٸ قىمباتى دا - وسى "سيگما", ٶيتكەنٸ گازدى رەسەيدەن تاسىمالدايتىن كٶرٸنەدٸ. اۋداننىڭ ٶزگە اۋىلدارى گازدىڭ بٸر كۋبىنا 26-28 تەڭگەدەن تٶلەسە, شامالعان اۋىلىنىڭ تۇرعىندارى گازدىڭ بٸر كۋبىنا 35 تەڭگە تٶلەيدٸ.
"سيگما كومپانيياسى سوڭعى ەكٸ جىلدا ون تەڭگەگە قىمباتتادى. گاز قىسىمى ٶتە تٶمەن بولدى. ايازدى كٷندەرٸ تٶرت كٷن جىلۋسىز قالدىق. گازدى توقتاتىپ تاستادى. كومپانييانىڭ قىزمەت ساپاسى تٶمەن", - دەيدٸ تۇرعىندار.
الماتىنى اياز قىسقان كٷندەرٸ قاراساي اۋدانىندا بٸرنەشە اۋىل جىلۋسىز قالعان بولاتىن. سەبەپ گاز قۇبىرلارىندا سۋ قاتىپ, ٸستەن شىققان.
ەكٸمدٸكتٸڭ ايتۋىنشا, كومپانييا گاز قۇبىرلارىن تەكسەرمەگەن. ەرەۋٸلگە كەلگەن اۋدان ەكٸمٸ اۋىل تۇرعىندارىنا كومپانييانى تەكسەرۋ تۋرالى ۇسىنىس ايتتى.
"سيگما" كومپانيياسىنا بٸزدٸڭ دە شاعىمىمىز كٶپ. بٸراق بۇلاي شۋلاپ, ەش نەرسەنٸ شەشپەيمٸز. ول جەكەمەنشٸك كومپانييا بولعاندىقتان, "تاريفتٸ تٷسٸر" دەپ تالاپ قويۋعا حاقىمىز جوق. نەگٸزٸ بۇل تاريفتٸ كومپانيياعا انتيمونوپولييا بەكٸتٸپ بەرگەن. ەندٸ بٸز بٸرنەشە ادامنان قۇرىلعان كوميسسييا قۇرىپ, كومپانييانىڭ جۇمىسىنا تەكسەرۋ جٷرگٸزەمٸز. كٶتەرگەن تاريفٸنە وراي ساپالى قىزمەت كٶرسەتٸپ وتىر ما, جوق پا بٸلۋٸمٸز كەرەك. تەك سودان كەيٸن عانا تاريفتٸ ارزانداتۋ تۋرالى تالاپ قويا الامىز", - دەيدٸ قاراساي اۋدانىنىڭ ەكٸمٸ جاسۇلان ەستەنوۆ.
شامالعاندىقتار "سيگما" كومپانيياسىنىڭ نارىقتان كەتۋٸن نەمەسە تاريف اقىسىن تٶمەندەتٸپ قايتا ەسەپتەۋدٸ تالاپ ەتتٸ. "ەگەر تالاپ ورىندالماسا, گاز اقىسىنىڭ بٸر تيىنىن دا تٶلەمەيمٸز", دەيدٸ تۇرعىندار.
ال حالىقپەن كەزدەسۋگە كەلگەن "سيگما" باسشىلىعى تۇرعىندار نارازىلىعىنا ماردىمدى جاۋاپ قاتپادى.
