Foto: qazaqstan3d.kz
M. Áýezov atyndaǵy qazaq ulttyq drama teatry jóndeýden ótedi. 1981 jyldan beri turǵan teatr ǵimaratynda qazirgi kezde rekonstrýktsiia jumystary bastalyp ketti, dep habarlaidy teatrdyń baspasóz qyzmeti.
Jóndeý jumystary barysynda eski, tozyǵy jetken sahna jabdyqtary tolyq jańartylady, zamanaýi jaryq jáne dybys júieleri ornatylady. Teatr ǵimaraty qaladaǵy sáýlet jáne mádeniet eskertkishi bolǵandyqtan, rekonstrýktsiia kezinde onyń tarihi kelbeti tolyq saqtalady.
"Jańartylǵan teatr qazirgi inkliýzivti talaptarǵa tolyqtai sai bolmaq. Atap aitsaq, múmkindigi shekteýli jandarǵa arnaiy jaǵdai jasalady. Qonaqtarǵa qoljetimdi ári yńǵaily baǵyt-baǵdar ornatý úshin naqty sharalar júrgiziledi", - delingen habarlamada.
Rekonstrýktsiia aiaqtalǵan soń, M.Áýezov atyndaǵy Qazaq ulttyq drama teatry qaitadan óziniń tarihi qundylyǵy men dástúrin saqtai otyryp, zamanaýi talaptarǵa sai mádeni ortalyqqa ainalady.
