Qazirgi janýarlardyń jartysy XXI ǵasyrdyń sońyna deiin joiylady. Osyndai boljamdy Vatikanda ótken sirek kezdesetin janýarlardy saqtap qalý sharalaryn talqylaýǵa arnalǵan konferentsiiada álemdegi jetekshi biologtar jasady, dep jazady sheteldik BAQ-tar.
Mamandardyń deregi boiynsha qazirgi tańda bes túrli janýardyń bir túri joiylý ústinde tur. Ǵalymdar eskertkendei, osyndai qaýip zamanaýi tehnogendi órkeniettiń saldarynan oryn alǵan, dep jazady QazAqparat.
Ol tek jer resýrstaryn paidalanyp, ornyna eshqandai paida ákelmesten ekojúieni joiýda. Mysal retinde olar qoryqtar ornalasqan jerlerdegi sirek metaldardy óndirýdi, marjan rifterin joiýdy, brakonerlerdi atap ótti.
Konferentsiiadaǵy basty baiandamashy retinde Stendford ýniversitetiniń biology Pol Erlih málimdeme jasady. Onyń boljamynsha, eger jaǵdaidy baqylaýǵa almasa, ǵasyr sońynda Jerdegi halyq sany 12 milliard adamǵa jetkende barlyq órkeniet qurdymǵa ketedi.
«Vatikan konferentsiia ótkizýdi óz moinyna aldy, demek bul degenimiz - Jerdi saqtap qalý máselesinde din men ǵylym arasyndaǵy alaýyzdyq joiyldy degen sóz», - dep atap ótti is-sharanyń uiymdastyrýshysy ekonomist Ser Part.
