Nokia brendimen qurylǵy shyǵarý quqy bar finliandiialyq HMD Global kompaniiasy aqpanda Nokia 3310 telefonynyń jańa nusqasyn shyǵarady, - dep habarlaidy The Independent.
Jańa nusqanyń baǵasy 59 eýro bolatyn kórinedi. Telefon osy modeldi "saǵynǵandarǵa qosalqy qurylǵy retinde" shyǵyp otyr eken.
"Satylymǵa 2000 jyly shyqqan telefon qýattaýsyz kóp ýaqyt boiy qyzmet kórsetetin bolady jáne zaqymdanbaityn korpýsymen shyǵady. Bul qurylǵy zamanaýi uialy telefondarynyń bastaýy bolǵan", - dep jazady basylym.
Gazettiń málimetinshe, telefon Barselonada 27 aqpan men 2 naýryz aralyǵynda ótetin Mobile World Congress kezinde tanystyrylady dep kútiledi. Sonymen qatar, HMD Nokia apparatynyń 3, 5 jáne 6-shy modelderin tanystyrady.
