Aidyn Aiymbetov "Qazaqstan Ǵarysh Sapary" ulttyq kompaniia basqarmasynyń tóraǵasy bolyp taǵaiyndaldy, - dep habarlaidy "Ult aqparat" Tsifrlyq damý, innovatsiialar jáne aeroǵarysh ónerkásibi ministrligine silteme jasap.
"Kompaniia direktorlar keńesi sheshimi boiynsha Aiymbetov Aidyn Aqanuly "Qazaqstan Ǵarysh Sapary" UK" AQ basqarmasynyń tóraǵasy laýazymyna taǵaiyndaldy", - delingen habarlamada.
Aidyn Aiymbetov 1972 jyly Taldyqorǵan oblysynda dúniege kelgen. Qazaqstan Áskeri-áýe kúshteri qatarynda ushqysh-jaýynger jáne áýe komandiri retinde qyzmet atqardy. 2015 jylǵy qyrkúiekte "Soiýz TMA-18M" ǵarysh kemesiniń bortinjeneri retinde Halyqaralyq ǵarysh stantsiiasyna ushty.
Qazaqstan Respýblikasynyń kvazimemlekettik jáne memlekettik sektorlarynda basshylyq laýazymdarynda jumys atqardy:
2009-2010 jyldary – Qazaqstan Ulttyq ǵarysh agenttigi Tóraǵasynyń keńesshisi;
2010-2011 jyldary – Qazaqstan UǴA Ǵarysh qyzmetin damytý departamentiniń direktory;
2011-2014 jyldary – "UǴZTO" AQ "Sultanǵazin atyndaǵy ǵaryshtyq zertteýler institýty" EJShS Ǵaryshtyq tehnologiialardy aqparattyq-oqytýshylyq qamtamasyz etý basqarma basshysynyń orynbasary;
2014-2016 jyldary – "UǴZTO" AQ "Ǵaryshtyq tehnika jáne tehnologiialar institýty" EJShS direktorynyń orynbasary;
2016-2019 jyldary – "Qazaqstan Ǵarysh Sapary" UK" AQ Ǵarysh júielerin jasaý jáne paidalaný jónindegi Vitse-prezidenti.
2019-2021 jyldary – "Qazaqstan Ǵarysh Sapary" UK" AQ Basqarma tóraǵasynyń orynbasary-Óndiris jónindegi Basqarma múshesi.
2021 jylǵy 13 qyrkúiekten bastap "Qazaqstan Ǵarysh Sapary" UK" AQ basqarma tóraǵasy.
Aidyn Aiymbetov - Qazaqstan ushqysh-ǵaryshkeri, áýe general-maiory. Memlekettik nagrada men qurmet ataqtaryna ie: "Halyq Qaharmany", "Qazaqstannyń ǵaryshker-ushqyshy", "Otan" ordeni.
