.webp)
Foto: Instagram.com
Qazaqstandyq kásipker Danna Qaraǵusova amerikalyq Blue Origin kompaniiasynyń New Shepard sýborbitalyq kemesimen ǵaryshqa ushqan tuńǵysh qazaqstandyq áiel atandy, dep habarlaidy Ult.kz.
Danna Qaraǵusova buǵan deiin ivent jáne distribýtsiia salasynda 25 jyldan astam ýaqyt eńbek etip keledi. Ol First Media Group media jáne ivent-holdinginiń negizin qalaýshylardyń biri.
Ǵaryshqa ushar aldynda kompaniia kemeden túsirilgen sýretterdi jariialady. Jariialanǵan málimetterge sáikes, ekipaj quramynda biznesmen Djeff Elgin, injener Klint Kelli III, startaptardyń seriialyq negizin qalaýshy Aaron Niýman, ýkrainalyq biznesmen Vitalii Ostrovskii jáne esimin qupiia saqtaýdy qalaǵan taǵy bir jolaýshy bolǵan.
New Shepard zymyrany 2025 jylǵy 8 qazanda AQSh-tyń Tehas shtatyndaǵy ǵarysh ailaǵynan ushyryldy. Ushý nebári 11 minýtqa sozyldy.
Korabldyń ishinde túsirilgen videoda Danna Qaraǵusova barsha anaǵa sálem joldady:
"Árbir anaǵa aitarym: "Balańyzdyń armanyna senińiz". Anashym, men sizdi jaqsy kóremin! Raqmet!"
Aita ketý kerek, bul Blue Origin kompaniiasynyń 36-týristik missiiasy sanalady. Kompaniiasynyń baǵalaýynsha, ǵarysh týrizmine arnalǵan sýborbitalyq ushýdyń quny shamamen 500 myń dollardy quraidy.
