Almaty qalasynyń Almaly aýdandyq sotynda óz qyzmetin asyra paidalanǵan «Ǵarysh-Ekologiia» Ulttyq-zertteý ortalyǵy» RMK bas direktoryna qatysty qylmystyq iske núkte qoiyldy, dep habarlaidy "Ult aqparat" Sybailas jemqorlyqqa qarsy is-qimyl agentiginiń baspasóz qyzmetine silteme jasap.
«Almaty qalasynyń sybailas jemqorlyqqa qarsy qyzmetkerleri «Ǵarysh-Ekologiia» Ulttyq-zertteý ortalyǵy» RMK bas direktory J.Jubatovtyń sybailas jemqorlyq faktisine qatysty sotqa deiingi tergeý amaldaryn jaqynda aiaqtaǵan bolatyn. Jubatov memlekettik fýnktsiialardy oryndaýǵa jaýapty tulǵa bola tura óz qyzmetin asyra paidalanyp, RMK-da jumys istemeitin qyzmetkerlerge 3 mln teńgeden astam ailyq aýdarǵan. Shyǵyn tolyq qaitaryldy», - dep habarlaidy agenttikten.
Almaty qalasynyń Almaly aýdandyq sotynyń úkimimen Jubatovqa 3 jyl merzimge shartty túrde bas bostandyǵyn shekteý jazasy taǵaiyndaldy. Sondai-aq, ol ómir boiy memlekettik qyzmette eńbek etý quqyǵynan aiyryldy.
