الماتى قالاسىنىڭ المالى اۋداندىق سوتىندا ٶز قىزمەتٸن اسىرا پايدالانعان «عارىش-ەكولوگييا» ۇلتتىق-زەرتتەۋ ورتالىعى» رمك باس ديرەكتورىنا قاتىستى قىلمىستىق ٸسكە نٷكتە قويىلدى, دەپ حابارلايدى "ۇلت اقپارات" سىبايلاس جەمقورلىققا قارسى ٸس-قيمىل اگەنتٸگٸنٸڭ باسپاسٶز قىزمەتٸنە سٸلتەمە جاساپ.
«الماتى قالاسىنىڭ سىبايلاس جەمقورلىققا قارسى قىزمەتكەرلەرٸ «عارىش-ەكولوگييا» ۇلتتىق-زەرتتەۋ ورتالىعى» رمك باس ديرەكتورى ج.جۇباتوۆتىڭ سىبايلاس جەمقورلىق فاكتٸسٸنە قاتىستى سوتقا دەيٸنگٸ تەرگەۋ امالدارىن جاقىندا اياقتاعان بولاتىن. جۇباتوۆ مەملەكەتتٸك فۋنكتسييالاردى ورىنداۋعا جاۋاپتى تۇلعا بولا تۇرا ٶز قىزمەتٸن اسىرا پايدالانىپ, رمك-دا جۇمىس ٸستەمەيتٸن قىزمەتكەرلەرگە 3 ملن تەڭگەدەن استام ايلىق اۋدارعان. شىعىن تولىق قايتارىلدى», - دەپ حابارلايدى اگەنتتٸكتەن.
الماتى قالاسىنىڭ المالى اۋداندىق سوتىنىڭ ٷكٸمٸمەن جۇباتوۆقا 3 جىل مەرزٸمگە شارتتى تٷردە باس بوستاندىعىن شەكتەۋ جازاسى تاعايىندالدى. سونداي-اق, ول ٶمٸر بويى مەملەكەتتٸك قىزمەتتە ەڭبەك ەتۋ قۇقىعىنان ايىرىلدى.
