Búgin gandboldan qyzdar arasyndaǵy Aziia chempionatynyń alǵashqy týrynda Qazaqstan quramasy Singapýrden basym tústi, dep habarlaidy QazAqparat.
Qazaqstandyq sportshylar Singapýr qyzdaryn 33:18 esebimen jeńdi. Al atalǵan toptaǵy Ońtústik Koreia Ózbekstandy 45:19 esebimen tize búktirdi.
Jarysqa qatysatyn 12 qurama eki topqa bólingen. Qazaqstan qyzdary A tobynda Ońtústik Koreia, Gonkong, Singapýr, Qatar, Ózbekstan quramalarymen synǵa túsedi.
Aldymen qazaqstandyq gandbolshylar endi 16 qyrkúiekte Gonkong, 17 qyrkúiekte Ózbekstanmen sheberlik baiqasady. Al 21 qyrkúiekte Ońtústik Koreiamen kezdesedi. Al V tobynda Iordaniia, Japoniia, Iran, Úndistan, Kýveit, Aýǵanstan bar.
Aziia chempionatynda 23 qyrkúiekte jartylai final ótkizilse, final 25 qyrkúiekke belgilengen.
Aita ketsek, qurlyqtyq doda 1987 jyldan beri turaqty túrde ótkizilip keledi.
Buǵan deiin Ońtústik Koreia 14 márte chempion atandy. Al Qazaqstan quramasy 2002 jáne 2010 jyldary eki márte jeńimpaz tuǵyrynan kórindi. Al Japoniia bir márte altynnan alqa taqty.
