Qazaqstandyq fristailshy Iýliia Galysheva Phenchhanda ótip jatqan HHIII qysqy Olimpiada oiyndarynda qola júldege qol jetkizdi. Bul týraly Vesti.kz habarlaidy.
Fristaildyń mogýl syny boiynsha jarys jolyna shyǵatyn otandasymyz júlde úshin talasta aianyp qalmady. Finaldyq kezeńde 77.40 upai ielenip, úzdik úshtikten kórindi.
Aq Olimpiadanyń altyn júldesin frantsýz Perrin Laffon (78,65) jeńip aldy. Kúmis medaldy kanadalyq Jiýstin Diýfýr-Lapýant (78,56) ielendi.
Iýliia Galysheva 9 aqpan kúni ótken birinshi irikteý kezeńinde 75,10 upai jinap, 7-orynmen ekinshi irikteýge ótti. Bul kezeń qazaqstandyq sportshy úshin ońai bolǵan joq. 76,81 upaimen úzdik altylyqty túiindep, júlde úshin talasýǵa múmkindik aldy. Finaldyq kezeńdi birinshi bolyp bastap, 77,40 upaiǵa ie boldy. Al sońǵy bolyp shyqqan kanadalyq Endi Naýd óz jattyǵýlary kezinde qatelesip, jarystan shettetildi.
25 jastaǵy Iýliia úshinshi ret Olimpiada oiyndaryna qatysyp otyr. 2010 jyly Vankýverde 11-orynnan kórinse, Sochide (2014 jyl) 7-oryn alǵan bolatyn.
Qazaqstandyq sportshyǵa jetispei júrgeni - Olimpiada júldesi edi. Iýliia álem chempionaty, Aziia oiyndary, Ýniversiada men álem kýbogy kezeńderinde júlde alǵan.
Aita keteiik, Phenchhandaǵy qysqy Olimpiada oiyndary 25 aqpanǵa deiin jalǵasady. Iýliia Qazaqstan quramasynyń qorjynyna alǵashqy medaldy saldy.
