قازاقستاندىق فريستايلشى يۋلييا گالىشەۆا پحەنچحاندا ٶتٸپ جاتقان ححٸٸٸ قىسقى وليمپيادا ويىندارىندا قولا جٷلدەگە قول جەتكٸزدٸ. بۇل تۋرالى Vesti.kz حابارلايدى.
فريستايلدىڭ موگۋل سىنى بويىنشا جارىس جولىنا شىعاتىن وتانداسىمىز جٷلدە ٷشٸن تالاستا ايانىپ قالمادى. فينالدىق كەزەڭدە 77.40 ۇپاي يەلەنٸپ, ٷزدٸك ٷشتٸكتەن كٶرٸندٸ.
اق وليمپيادانىڭ التىن جٷلدەسٸن فرانتسۋز پەررين لاففون (78,65) جەڭٸپ الدى. كٷمٸس مەدالدى كانادالىق جيۋستين ديۋفۋر-لاپۋانت (78,56) يەلەندٸ.
يۋلييا گالىشەۆا 9 اقپان كٷنٸ ٶتكەن بٸرٸنشٸ ٸرٸكتەۋ كەزەڭٸندە 75,10 ۇپاي جيناپ, 7-ورىنمەن ەكٸنشٸ ٸرٸكتەۋگە ٶتتٸ. بۇل كەزەڭ قازاقستاندىق سپورتشى ٷشٸن وڭاي بولعان جوق. 76,81 ۇپايمەن ٷزدٸك التىلىقتى تٷيٸندەپ, جٷلدە ٷشٸن تالاسۋعا مٷمكٸندٸك الدى. فينالدىق كەزەڭدٸ بٸرٸنشٸ بولىپ باستاپ, 77,40 ۇپايعا يە بولدى. ال سوڭعى بولىپ شىققان كانادالىق ەندي ناۋد ٶز جاتتىعۋلارى كەزٸندە قاتەلەسٸپ, جارىستان شەتتەتٸلدٸ.
25 جاستاعى يۋلييا ٷشٸنشٸ رەت وليمپيادا ويىندارىنا قاتىسىپ وتىر. 2010 جىلى ۆانكۋۆەردە 11-ورىننان كٶرٸنسە, سوچيدە (2014 جىل) 7-ورىن العان بولاتىن.
قازاقستاندىق سپورتشىعا جەتٸسپەي جٷرگەنٸ - وليمپيادا جٷلدەسٸ ەدٸ. يۋلييا ەلەم چەمپيوناتى, ازييا ويىندارى, ۋنيۆەرسيادا مەن ەلەم كۋبوگى كەزەڭدەرٸندە جٷلدە العان.
ايتا كەتەيٸك, پحەنچحانداعى قىسقى وليمپيادا ويىندارى 25 اقپانعا دەيٸن جالعاسادى. يۋلييا قازاقستان قۇراماسىنىڭ قورجىنىنا العاشقى مەدالدى سالدى.
