Biyldan bastap 5 myńnan astam ǵalym laiyqty ári turaqty jalaqy alady. Buǵan deiin zańnama ǵalymdarǵa turaqty ailyq tóleýge múmkindik bermegen edi, dep habarlaidy QazAqparat.
QR Bilim jáne ǵylym ministrligi Ǵylym komitetiniń tóraǵasy Janna Qurmanǵalieva ortalyq komýmnikatsiialar qyzmetinde ótken brifingide osyndai málimet aitty.
«Prezident byltyr tiisti tapsyrma berip, tez arada zańǵa ózgeris engizý kerek degennen keiin 2,5 aida tiisti zań jobasyn daiyndap, Memleket basshysy 15 qarashada tiisti qujatqa qol qoidy. Nátijesinde 1 200 ǵalym biyldan bastap ai saiyn, konkýrstan tys, turaqty ailyq alatyn bolady. Ol 74 ǵylymi uiym 10 memlekettik organǵa tiesili. Sonymen qatar irgeli zertteýlermen ainalysatyn intitýttardyń 100 paiyz shtattyq qurylymy jalaqysyn da alady, ǵylymi jumysqa qajetti qarjylandyrýdy da alady, satyp alatyn qondyrǵylarǵa da qarajat bólingen. Bul keminde 4 myń ǵalymǵa qatysty. Sonda qazir 5 myńnan astam ǵalym ai saiyn turaqty, mólsheri de ómirge jetkilikti jalaqy alady», - dedi Janna Qurmanǵalieva.
Bilim jáne ǵylym ministriginiń baspasóz qyzmeti usynǵan derek boiynsha, Qazaqstanda ǵalymdardyń ortasha jalaqysy ósken.
«Buryn 152 myń teńge bolsa, endi ol 257 myń teńgege ósip, 1,5 million teńgege deiin ózgerip otyrady. Buryn ǵalymdardyń jalaqysy turaqsyz bolyp, konkýrstardyń nátijelerine bailanysty bolatyn. Endi qabyldanǵan zańnamalyq túzetýlerdiń arqasynda jetekshi ǵalymdardyń (1 200 adam) jalaqysy bazalyq qarjylandyrýǵa qosyldy. Bul rette ǵalymdarǵa tólenetin qosymsha avtorlyq syiaqynyń jalpy somasy 338 mln teńgege teń. Al innovatsiialyq jobalardy satýdan túsken tabys 16,3 mlrd teńgeni qurady», - delingen ministrliktiń málimette.
