Ǵalymdar plastik kótelkelerdi birneshe aǵattyń ishinde qaita paidalanýǵa bolatyndai etip óńdep shyǵaratyn bakterialdy ferment jasap shyǵardy, dep habarlaidy The Guardian.
«Ferment bótelkelerdi himiialyq bloktarǵa ózgertedi. Keiin ony joǵary sapaly jańa bótelke jasaý úshin paidalanýǵa bolady. Al qazirgi tańda óńdelgen plastikter tek kiim nemese kilem óndirisinde paidalanýǵa jaramdy», - dep jazady avtor.
Basylymnyń habarlaýynsha, mundai óńdeý tásili aldaǵy bes jylda óndiristik masshtabta paidalanylatyn bolady.
«Táýelsiz sarapshylar jańa fermentti iri jetistik dep atady. Planetany milliardtaǵan tonna plastik qaldyǵy lastap jatyr. Al jańa ferment týraly material Nature jýrnalynda jariialandy», - dep jazylǵan maqalada.
Avtorlar fermentti ózgertip, mýtatsiiaǵa ushyratqan. Osylaisha, onyń plastikti ydyratý qabileti jaqsara túsken.
