Foto: Nur.kz
Qazaqstanda ǵylym men óndiris arasyndaǵy bailanysty nyǵaitý baǵytynda naqty nátijelerge qol jetkizildi. Ǵylym jáne joǵary bilim ministri Saiasat Nurbek Memleket basshysynyń tapsyrmasy aiasynda atqarylǵan jumystar týraly málimdedi, dep habarlaidy Ult.kz.
Ǵalymdar men óndiris arasyndaǵy tiimdi yntymaqtastyq quraly retinde hakatondar tańdaldy. Bul formatta zertteýshiler kásiporyndarǵa baryp, óndiristik protsesterdi egjei-tegjeili zerttep, ǵylymi-tehnikalyq tapsyrmalardy qalyptastyrady.
Nátijesinde taý-ken metallýrgiia salasynda 6 iri hakaton ótkizildi. Is-sharalarǵa 30-ǵa jýyq ǵylymi-zertteý institýty men JOO-dan 200-den asa ǵalym qatysty. 80 ǵylymi-tehnikalyq tapsyrma ázirlendi. Onyń ishinen 11 joba iri kásiporyndardyń qarjylandyrýyna tańdaldy.
Ministr atap ótkendei, biylǵy jalpy ǵylymi-tehnikalyq tapsyrmalardyń 10%-y naqty óndiristik qajettilikterge baǵyttalǵan.
Jańartylǵan Ulttyq Ǵylym akademiiasy da jobalardy taldaý men saraptaý protsesine qosylǵan. Barlyǵy 653 ótinish kelip túsken, onyń ishinen 113 joba komissiia qaraýyna jiberildi.
«Bul — ǵylym men óndiristiń ózara árekettestigin jandandyrýdaǵy mańyzdy qadam. Árbir iriktelgen joba Qazaqstannyń ǵylymi áleýetin naqty óndiristik mindetterdi sheshýge baǵyttaýdy kózdeidi», — dep atap ótti ministr.
Bul bastama ǵylymdy kommertsiialandyrý men eldegi innovatsiialyq óndiristerdi damytý úshin mańyzdy úles qosady.
