QR Prezidenti Qasym-Jomart Toqaevtyń álipbidi jetildirýge bailanysty tapsyrmasyna orai búgin QR Mádeniet jáne sport ministrliginiń uiymdastyrýymen Almatyda «Latyn negizdi qazaq álipbii: usynystar, talqy jáne nátije» atty keńes ótti, dep habarlaidy "Ult aqparat".
Atalǵan vedomstvonyń baspasóz qyzmeti taratqan aqparatqa sáikes, jumys toptarynyń birlesken keńesinde úsh álipbi jobasy talqylandy. Olar: buǵan deiin bekitilgen alaida jetildirilý qajettigi týyndaǵan akýt nusqasy, balamaly negizdegi ýmlaýtty álipbi jobasy jáne A.Baitursynuly atyndaǵy Til bilimi institýty ǵalymdar tobynyń álipbi jobasy. Alǵashqy eki álipbi jobasy 14 aqpanda Til komitetiniń uiymdastyrýmen jáne aimaqtaǵy til basqarmalarynyń úilestirýimen respýblikalyq kólemde filolog ǵalymdar men ádiskerler, joǵary jáne orta bilim beretin oqý oryndarynyń til mamandary arasynda ashyq talqylaýdan ótti. Úshinshi joba áleýmettik jelilerde talqylandy. Atalǵan álipbi jobalarynyń qaisysy qoldanýǵa tiimdi ekenin anyqtaý maqsatynda QR Bilim jáne ǵylym ministrliginde oqýshylar men stýdenter arasynda álipbi jobalary boiynsha synama-saýalnama jumystary júrgizildi. Sondai-aq, QR Tsifrlyq damý, innovatsiia jáne aeroǵarysh ónerkásibi ministriligi UNICODE-qa sáikestigin, Bankter bank júiesinde qoldanysqa yńǵailylyǵy, «Nur Otan» jastar qanatynda álipbi jobalary boiynsha synama-seminarlar, saraptaý jumystary jasalyp, BAQ-ta álipbidi jetildirýge bailanysty 90-ǵa jýyq maqala jaryq kórdi.
Keńeitilgen keńeste osy taldaýlar men talqylaýlardyń qorytyndylary, usynystar jáne synama jumystarynyń nátijeleri, saraptamalary jinaqtalyp baiandaldy. Ǵalymdar álipbige mynadai talaptar qoiyp otyr: qazaq tiliniń barlyq dybystarynyń qamtylýy; «bir dybys - bir tańba» qaǵidatynyń saqtalýy; qosymsha diakritikalyq belgilerdiń sabaqtastyǵy men júieliligi; latyn tańbalarynyń jáne diakritikalardyń qazaq tiliniń dybystary sipatyna sai bolýy; álipbide ǵylymi negizdiliktiń saqtalýy; álipbi tańbalarynyń Halyqaralyq fonetikalyq álipbi júiesine sáikestigi; álipbi tańbalarynyń UNICODE júiesine sai bolýy; qazaq tiliniń tól tabiǵatyna sai álipbilik rettiliktiń saqtalýy.
Birlesken keńeste álipbidiń úsh jobasy boiynsha arnaiy baiandamalar jasalyp, ǵylymi talqylaý ótkizildi. Talqylanǵan jobalar arasynan laiyqty dep tanylǵan álipbi jobasy Ulttyq komissiiaǵa usynylatyn bolady.
Jiynǵa Mádeniet jáne sport vitse- ministri N.Dáýeshov, Bilim jáne ǵylym, Aqparat jáne qoǵamdyq damý, Tsifrlyq damý, innovatsiialar jáne aeroǵarysh ónerkásibi ministrlikteri jáne Til saiasaty komiteti ókilderi men Ulttyq komissiia janyndaǵy Orfografiialyq, Ádistemelik, Terminologiialyq, Saraptama jáne tehnikalyq jumys toptarynyń músheleri bolyp tabylatyn ǵalymdar qatysty.
