Kesh tamaqtaný adamnyń biologiialyq yrǵaǵynyń buzylýy saldarynan júrek-qan tamyrlary aýrýy men diabetke ákelip soqtyrýy múmkin. Amerika kardiologiialyq qaýymdastyǵynyń ǵalymdary osyndai tujyrym jasaǵan. Sáikes zertteý LiveScience portalynda jariialandy, dep habarlaidy QazAqparat.
Eksperiment 18-76 jas aralyǵyndaǵy 12,7 myń latynamerikalyqqa júrgizilgen meditsinalyq tekserý nátijesine negizdelgen. Onyń barysynda dárigerler eki kún boiy olardyń densaýlyǵy men tamaqtaný ýaqytyn salystyrǵan.
Zertteýshiler eksperimentke qatysyp jatqandardyń basym bóliginiń 18.00-den keiin tamaqtanatyndyǵyn anyqtaǵan. Sonyń saldarynan olarda qant deńgeii jáne qandaǵy insýlin joǵary bolǵan.
Kesh tamaqtanýdy unatatyndardyń 19% diabetaldy jáne 23% gipertoniia damýyna beiim.
Zertteýdiń avtory, postdoktorant Nýr Makaremniń pikirinshe, bul salaýatty emes ómir salty saldarynan adamnyń biologiialyq yrǵaǵynyń buzylýymen túsindiriledi. Sonyń saldarynan zat almasý buzylyp, sozylmaly aýrýlar qaýpi joǵarylaidy.
