Nazarbaev ýniversitetiniń Aqyldy júieler men jasandy intellekt institýty (ISSAI) qazaq tili men sózin avtomatty túrde taný jobasyn iske qosty. Onyń kómegimen qazaq tilin jahandyq tsifrlyq álemge belsendi engizýge bolady, dep habarlaidy "Ult aqparat" ýniversitettiń baspasóz qyzmetine silteme jasap.
Jobany júzege asyrý úshin ǵalymdar qazaq tilindegi eń úlken dybystyq derekter jiyntyǵyn – 2000-nan astam adamnyń 300 saǵattyq jazbasyn jinady.
Bul zerttemeni qoldaný qazaq tili men sózin virtýaldy kómekshiler arqyly taný, túrli baǵdarlamalarda jáne «aqyldy úi» tehnologiialarynda qoldaný sekildi jańa múmkindikterge jol ashady.
Sonymen qatar, bul joba Qazaqstanda inkliýziianyń damýyna úlken serpin beredi. Jańa tehnologiiany erekshe qajettiligi bar adamdar keńinen qoldanatyn daýys jáne mátin baǵdarlamalarynda paidalanýǵa bolady.
«Buryn úlken derekter jiyntyǵynyń jetkilikti bolmaýy qazaq tiliniń tsifrlyq álemdegi múmkindikterin shekteitin, sondyqtan biz osy jobany júzege asyrdyq. Endi biz ekonomika men qoǵam damýyna paidaly bolsyn degen nietpen qazaq tilindegi dybystyq derekter jiyntyǵyn ashyq bastapqy kodymen birge barlyq zertteýshiler jáne kásipkerlermen bólisýge daiynbyz» – deidi ISSAI NU direktory, professor Atakan Varol.
Jobanyń iske qosylýy Nazarbaev ýniversitetiniń Aqyldy júieler men jasandy intellekt institýtynyń qurylǵanyna bir jyl tolýyna orailastyryldy. 14 qyrkúiekte ISSAI óziniń alǵashqy týǵan kúnin atap ótti.
Myna siltemege kirip, qazaq tilindegi daýystyq derekter jiyntyǵymen tanysýǵa, sondai-aq qazaq tilin avtomatty túrde taný júiesin tekserýge bolady.
