Resei ǵalymdary qaterli isiktiń barlyq túrine jáne kezeńine q oilap tapqan gendik-injenerlik preparatty ǵaryshta synaqtan ótkizdi. Bul jaiynda «Izvestiia» gazetine bergen suhbatynda Federaldy mediko-biologiialyq agenttiktiń (FMBA) Memlekettik ǵylymi-zertteý institýtynyń direktor orynbasary, professor Andrei Simbirtsev málimdedi, dep habarlady muslim.kz
Gazettegi suhbatta jariialanǵandai, qaterli isikterdi emdeýge arnalǵan jańa preparat biotehnologiia kómegimen alynǵan. Ǵaryshtyq synaqty sátti ótkizgen institýt endi klinikaǵa deiingi synaqty jaqsy aiaqtap, onkologiia salasyndaǵy ǵylymi jetistikti jetildire túspek.
Simbirtsevtiń aitýynsha, preparat melanom jáne sarkom sekildi qaterli isik túrine shaldyqqan tyshqan men atjalmanǵa salynǵan. Preparat syrqattyń kez kelgen kezeńinde de tiimdi bolyp tabylyp, jaǵymdy nátije kórsetken. Synaq kezinde dáriniń janama áserleri anyqtalmasa da, qaýipsizdik jónindegi sońǵy sheshim shyǵarýǵa áli bir jyldai ýaqyt kerek kórinedi. Tek sodan keiin ǵalymdar jańa preparat boiynsha klinikalyq synaq júrgizýge kirisedi. Al, klinikalyq synaq jumystaryna ádette 2-3 jyl ýaqyt ketedi.
