Ǵalymdar Angola áýejaiyndaǵy saiahatshylardan koronavirýstyń 34 mýtatsiiasy bar jańa nusqasyn anyqtady. Bul – barlyq belgili shtamdarǵa qaraǵanda kóp.
SARS-CoV-2 nusqasy óte juqpaly jáne aǵzanyń immýndyq júiesin basyp tastai alady. Bul týraly Izvestiia saity habarlady.
Buryn belgisiz bolǵan genom aqpan aiynyń ortasynda, Tanzaniiadan kelgen úsh jolaýshyny testileý kezinde anyqtaldy.
GISAID ashyq málimetter bazasynda bul afrikalyq elge saiahattaǵannan keiin anyqtalǵan taǵy toǵyz genomdyq júielilik týraly málimet bar, sonyń ishinde ekeýiniń angolalyq shtammen birdei negizi bar.
Koronavirýstyń jańa nusqasy A.VOI.V2 degen ýqytsha ataýǵa ie bolǵan. Onyń DNK-synan aminqyshqyldarynyń 31 aýysýy (mańyzdy fýnktsionaldyq aýysýlar) anyqtaldy.
Afrikalyq ǵalymdar angolalyq nusqa mýtatsiialarynyń keibireýlerin buryn belgili shtamdardan da anyqtaǵan. Mamandar bul ózgeristerdiń ary qarai damyp, DNK-da paidaly belgiler retinde bekitilgenin shamalap otyr. Jańa shtamdy anyqtaǵan meditsina qyzmetkerleriniń pikirinshe, osy mýtatsiialardyń barlyǵy koronavirýstyń antidenelerge qarsylyǵyn joǵarylatyp, onyń juqpalylyǵyn arttyra alady.
