Bokstan Qazaqstan erler quramasynyń bas bapkeri Ǵalymbek Kenjebaev asa aýyr salmaqtaǵy Qamshybek Qońqabaevtyń Tokiodaǵy múmkindigi týraly pikir bildirdi, dep habarlaidy QazAqparat.
«Iá, sońǵy statistika, ózbekstandyq qarsylasymen bolǵan sońǵy jekpe-jekterdiń kórsetkishi Qamshybektiń paidasyna sheshilip tur dep aitýǵa kelmeidi. Jalolov álemdik reitingide ózin jaqsy kórsetip, sońǵy jarystardyń bárin utyp shyqty. Biraq, Qamshybekke senemiz jáne úmittenemiz. Bul sýper aýyr salmaq. Sondyqtan bári bolýy múmkin», - dedi Ulttyq qurama tizginshisi.
Boksshy jigitterdiń bas bapkeri Olipiada oiyndarynda árbir kezeńdegi qarsylas basty básekeles ekenin eskertip, Qamshybek áýeli qazir jolynda turǵan qarsylasyna qarsy daiyndyǵyn pysyqtaitynyn atady.
«Taǵy da qaitalap aitam, chempion bolý úshin áýeli finalǵa deiin jetý kerek. Olimpiada chempiony ataný úshin áýeli alǵashqy urysta jeńý kerek. Kóbinese sportshylar ózin finalda elestetip qatelesedi. Eger birinshi aiqasta jeńbeseń, chempion túgil júldeger de bola almaisyń. Sondyqtan ár qarsylasqa jekpe-jek saiyn jospar quryp, daiyndalamyz», - dedi Ǵalymbek Kenjebaev.
Eske salsaq, búgin Tokio Olimpiadasynda baq synaityn boksshylar arasynda jerebe tartý rásimi ótti.
+91 keli salmaqta baq synaityn Qamshybek Qońqabaevtyń alǵashqy qarsylasy mysyrlyq Esri Rez Mustafa bolyp bekitildi.
