بوكستان قازاقستان ەرلەر قۇراماسىنىڭ باس باپكەرٸ عالىمبەك كەنجەباەۆ اسا اۋىر سالماقتاعى قامشىبەك قوڭقاباەۆتىڭ توكيوداعى مٷمكٸندٸگٸ تۋرالى پٸكٸر بٸلدٸردٸ, دەپ حابارلايدى قازاقپارات.
«يە, سوڭعى ستاتيستيكا, ٶزبەكستاندىق قارسىلاسىمەن بولعان سوڭعى جەكپە-جەكتەردٸڭ كٶرسەتكٸشٸ قامشىبەكتٸڭ پايداسىنا شەشٸلٸپ تۇر دەپ ايتۋعا كەلمەيدٸ. جالولوۆ ەلەمدٸك رەيتينگٸدە ٶزٸن جاقسى كٶرسەتٸپ, سوڭعى جارىستاردىڭ بەرٸن ۇتىپ شىقتى. بٸراق, قامشىبەككە سەنەمٸز جەنە ٷمٸتتەنەمٸز. بۇل سۋپەر اۋىر سالماق. سوندىقتان بەرٸ بولۋى مٷمكٸن», - دەدٸ ۇلتتىق قۇراما تٸزگٸنشٸسٸ.
بوكسشى جٸگٸتتەردٸڭ باس باپكەرٸ وليپيادا ويىندارىندا ەربٸر كەزەڭدەگٸ قارسىلاس باستى بەسەكەلەس ەكەنٸن ەسكەرتٸپ, قامشىبەك ەۋەلٸ قازٸر جولىندا تۇرعان قارسىلاسىنا قارسى دايىندىعىن پىسىقتايتىنىن اتادى.
«تاعى دا قايتالاپ ايتام, چەمپيون بولۋ ٷشٸن ەۋەلٸ فينالعا دەيٸن جەتۋ كەرەك. وليمپيادا چەمپيونى اتانۋ ٷشٸن ەۋەلٸ العاشقى ۇرىستا جەڭۋ كەرەك. كٶبٸنەسە سپورتشىلار ٶزٸن فينالدا ەلەستەتٸپ قاتەلەسەدٸ. ەگەر بٸرٸنشٸ ايقاستا جەڭبەسەڭ, چەمپيون تٷگٸل جٷلدەگەر دە بولا المايسىڭ. سوندىقتان ەر قارسىلاسقا جەكپە-جەك سايىن جوسپار قۇرىپ, دايىندالامىز», - دەدٸ عالىمبەك كەنجەباەۆ.
ەسكە سالساق, بٷگٸن توكيو وليمپياداسىندا باق سىنايتىن بوكسشىلار اراسىندا جەرەبە تارتۋ رەسٸمٸ ٶتتٸ.
+91 كەلٸ سالماقتا باق سىنايتىن قامشىبەك قوڭقاباەۆتىڭ العاشقى قارسىلاسى مىسىرلىق ەسري رەز مۇستافا بولىپ بەكٸتٸلدٸ.
