QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Túrkistan oblysy boiynsha departament basshysy Ǵalym Tursynbaev Túrkistan qalasynyń memlekettik qyzmetshilerimen kezdesti. Jiynǵa Túrkistan oblysynan qurylǵan Arnaiy monitoringtik top músheleri Ý.Júsipbaev pen A.Ospanov qatysty.
Kezdesý barysynda sóz alǵan Ǵ.Sultanuly «100 naqty qadam» Ult josparyn júzege asyrýda memlekettik apparattyń turaqtylyǵy baǵytynda atqarylyp jatqan jumystarǵa keńinen toqtalyp ótti.
«Ult josparynyń alǵashqy baǵyty kásibi memlekettik apparat qurý sheńberinde jańadan «Qazaqstan Respýblikasynyń memlekettik qyzmeti týraly» jáne «Sybailas jemqorlyqqa qarsy is-qimyl týraly» Zańdary, QR memlekettik qyzmetshileriniń Ádep kodeksi qabyldanǵanyn jáne memlekettik qyzmet salasynda kásibilikti qamtamasyz etýdi jetildirý maqsatynda atqarylyp jatqan jumystar týraly baiandady.
Sondai-aq, pilottyq joba retinde birqatar memlekettik organdarda faktorlyq-baldyq shkala júiesi engizilip, ondaǵy memlekettik qyzmetshilerdiń jalaqysy 2-den 2,5 esege deiin kóterilgenin jáne erekshe qosqan úlesteri men jeke bastamalary úshin tiisti kezeńniń qorytyndysymen qomaqty bonýstar tólenetini týraly aityp ótti.
Kezdesý barysynda Ǵ.Tursynbaev Memleket basshysynyń 5 qazandaǵy Qazaqstan halqyna arnaǵan Joldaýynda memlekettik qyzmetshilerdiń jumystan keiin qalyp, ústeme jumys atqarýyna jol bermeý máselesine erekshe kóńil bólingenin atap ótip, basshylarǵa qyzmetshilerdiń jumys ýaqyty aiaqtalǵannan keiin ýaqtyly qaitarý úshin jumys júktemesin durys rettep bólýdi usyndy.
Buǵan qosa, jemqorlyqtyń aldyn alýǵa baǵyttalǵan jumystar odan ári kúsheitiletinin eskertip, memlekettik qyzmetshi qyzmet atqarý barysynda jáne qyzmetten tys ýaqytta da qarapaiym bolýy tiis ekenin jetkizdi.
Jiyn sońynda qyzmettik mindetterin oryndaý kezinde óz qyzmetin jeke bas paidasyna qoldanyp para alyp ustalǵan sheneýniktermen, mektepterge jumysqa ornalasý úshin para alyp ustalǵan mektep direktorlaryna qatysty video túsirilimder de kórsetildi.
