Elimizde 950-den astam etnomádeni birlestik jumys isteidi. Bul týraly «Qoǵamdyq kelisimdi nyǵaitýdaǵy etnomádeni birlestikterdiń róli» respýblikalyq seminar barysynda Aqparat jáne qoǵamdyq damý ministrliginiń Etnosaralyq qatynastardy damytý komitetiniń tóraǵasy Ǵalym Shoikin aitty, dep habarlaidy QazAqparat.
Onyń aitýynsha, táýelsizdiktiń otyz jyldyq tarihynda el irgesin bútindeýge atsalysqan Qazaqstan halqy Assambleiasynyń orny erekshe. Osy jyldary elimizde turatyn qanshama ult pen ulys tatýlyqty tuǵyr etip, mádenieti men ónerin damytýǵa múmkindik aldy. Osy arqyly búgin ulty basqa biraq tilegi jáne júregi bir bizdiń yntymaǵymyz arta túsýde. Sondyqtan barshamyzdyń maqsatymyz el birligi men tatýlyǵyn saqtai otyryp, jasampazdyǵymyzdy damytý.
«Biz bir otbasynyń músheleri siiaqty ekenimizdi umytpaýǵa tiispiz. Elbasy Nursultan Nazarbaev Assambleia sessiiasynda sóilegen sózinde bes printsipke nazar aýdarǵan bolatyn. Olardyń qatarynda qazaqstandyq ulttar senimine negizdelgen partiotizmdi, azamattyq teńquqylyq printsipin, memlekettik tildiń qoǵamda nyǵaiýyn damytý syndy mańyzdy máseleler bar. Osy oraida Assambleia bul printsipterdiń is júzinde kórinis tabýyna eleýli úles qosatyn institýttyń biri ekenin atap ótken jón. Jumysymyzdy osy printsipterdi basshylyqqa alyp uiymdastyrýǵa tiispiz», - deidi Ǵalym Shoikin.
Onyń aitýynsha, etnomádeni birlestikter aýqymdy qoǵamdyq sharalarǵa atsalysady. Sonyń ishinde jastarmen tyǵyz bailanysty jumys isteidi.
Etnobirlestikterdiń taǵy bir mańyzdy jumysy qaiyrymdylyq pen volonterlik sharalarǵa belsendi qatysý. Ásirese pandemiia kezinde olar bul iske eleýli úles qosty. Bul baǵytttaǵy jumysty jalǵastyrý kózdelgen.
«Búginde mańyzdy máselelerdiń biri Assambleia men etnomádeni birlestikterdiń jumysyn keńinen nasihattaý, qoǵamdyq kelisimdi nyǵaitý maqsatynda atqaralyp jatqan sharalar men tatýlyqty, yntymaqty nyǵaitýdyń, mememlekettik tildiń mańyzyn nasihattaýǵa arnalǵan jumystar el nazarynda bolýy tiis. Ásirese áleýmettik jelide. Qazirgi kúni elimizde 950-den astam etnomádeni birlestik jumys isteidi. Otyzǵa jýyǵy respýblikalyq mártebege ie. Eger árqaisysy atqarylyp jatqan qyrýar jumysyn kórsetse, qoǵamda assambleianyń jańa imidjin qalyptastyra alady», - dedi ol.
