Qaraǵandy oblysynda adam atyp óltirý kúdigimen 4 adam ustaldy. Bul týraly QR IIM baspasóz qyzmetinen málim etti, dep habarlaidy "Ult aqparat".
QR IIM krimialdyq politsiiasy men Qaraǵandy oblystyq politsiia departamentiniń qyzmetkerleri osy jyldyń mamyr aiynda Atasý eldi mekenindegi óz úiiniń aýlasynda oq jaraqatymen tabylǵan Jańarqa aýdanynyń turǵyny Ǵaly Baqtybaevty óltirý qylmysyn ashty. Asa aýyr qylmysty ashý úshin Ishki ister ministriniń tapsyrmasymen IIM kriminaldyq politsiiasy men oblystyq politsiia departamentiniń tájiribeliqyzmetkerlerinen jasaqtalǵan jedel tergeý toby quryldy. Jedel ýákilderdiń tergeý sharalary barysynda zardap shegýshiniń úiinen qaza tapqan azamattyń túrli memlekettik organdarǵa shaǵymdarmen birneshe ret júgingen qujattary zerdelendi», - dedi vedomstvodan.
Ministrliktiń atap ótýinshe, adam óltirý faktisiniń túrli sebepteri tekserilip, sáikesinshe saraptamalar júrgizilgen. Politsiia qyzmetkerleri júrgizgen jedel izdeý jáne tergeý sharalarynyń nátijesinde 4 jergilikti turǵyn ustaldy. Olardyń úsheýi buryn sottalǵan, tórtinshisi buryn politsiia qyzmetkeri bolǵany anyqtaldy.
«Ustalǵandar kisi óltirý nashar qarym-qatynas saldarynan bolǵanyn moiyndap otyr. Qazirgi ýaqytta kúdiktiler qamaýǵa alyndy. Zattai aiǵaq retinde qarý tárkilendi. Tergeý jalǵasyp jatyr», - delingen taratylǵan aqparatta.
Eske salsaq, buǵan deiin Qaraǵandy oblysynyń Jańaarqa aýdany Atasý kentinde atyp óltirilgen er adamnyń denesi tabylǵanyn habarlaǵan edik.
