قاراعاندى وبلىسىندا ادام اتىپ ٶلتٸرۋ كٷدٸگٸمەن 4 ادام ۇستالدى. بۇل تۋرالى قر ٸٸم باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
قر ٸٸم كريميالدىق پوليتسيياسى مەن قاراعاندى وبلىستىق پوليتسييا دەپارتامەنتٸنٸڭ قىزمەتكەرلەرٸ وسى جىلدىڭ مامىر ايىندا اتاسۋ ەلدٸ مەكەنٸندەگٸ ٶز ٷيٸنٸڭ اۋلاسىندا وق جاراقاتىمەن تابىلعان جاڭارقا اۋدانىنىڭ تۇرعىنى عالى باقتىباەۆتى ٶلتٸرۋ قىلمىسىن اشتى. اسا اۋىر قىلمىستى اشۋ ٷشٸن ٸشكٸ ٸستەر مينيسترٸنٸڭ تاپسىرماسىمەن ٸٸم كريمينالدىق پوليتسيياسى مەن وبلىستىق پوليتسييا دەپارتامەنتٸنٸڭ تەجٸريبەلٸقىزمەتكەرلەرٸنەن جاساقتالعان جەدەل تەرگەۋ توبى قۇرىلدى. جەدەل ۋەكٸلدەردٸڭ تەرگەۋ شارالارى بارىسىندا زارداپ شەگۋشٸنٸڭ ٷيٸنەن قازا تاپقان ازاماتتىڭ تٷرلٸ مەملەكەتتٸك ورگاندارعا شاعىمدارمەن بٸرنەشە رەت جٷگٸنگەن قۇجاتتارى زەردەلەندٸ», - دەدٸ ۆەدومستۆودان.
مينيسترلٸكتٸڭ اتاپ ٶتۋٸنشە, ادام ٶلتٸرۋ فاكتٸسٸنٸڭ تٷرلٸ سەبەپتەرٸ تەكسەرٸلٸپ, سەيكەسٸنشە ساراپتامالار جٷرگٸزٸلگەن. پوليتسييا قىزمەتكەرلەرٸ جٷرگٸزگەن جەدەل ٸزدەۋ جەنە تەرگەۋ شارالارىنىڭ نەتيجەسٸندە 4 جەرگٸلٸكتٸ تۇرعىن ۇستالدى. ولاردىڭ ٷشەۋٸ بۇرىن سوتتالعان, تٶرتٸنشٸسٸ بۇرىن پوليتسييا قىزمەتكەرٸ بولعانى انىقتالدى.
«ۇستالعاندار كٸسٸ ٶلتٸرۋ ناشار قارىم-قاتىناس سالدارىنان بولعانىن مويىنداپ وتىر. قازٸرگٸ ۋاقىتتا كٷدٸكتٸلەر قاماۋعا الىندى. زاتتاي ايعاق رەتٸندە قارۋ تەركٸلەندٸ. تەرگەۋ جالعاسىپ جاتىر», - دەلٸنگەن تاراتىلعان اقپاراتتا.
ەسكە سالساق, بۇعان دەيٸن قاراعاندى وبلىسىنىڭ جاڭاارقا اۋدانى اتاسۋ كەنتٸندە اتىپ ٶلتٸرٸلگەن ەر ادامنىڭ دەنەسٸ تابىلعانىن حابارلاعان ەدٸك.
