© Photo: instagram/maxgalkinru
Reseidiń Qazaqstandaǵy elshiligi shoýmen Maksim Galkinniń (RF-ta sheteldik agent-jeke tulǵalar tizimine engizilgen) kotsertin ótkizbeýdi suraǵan joq. Bul týraly Cyrtqy ister ministrliginiń resmi ókili Aibek Smadiiarov málimdedi, dep habarlaidy Sputnik Qazaqstan.
Jýrnalister Smadiiarovtan "Resei elshiligi kontsertti toqtatýdy surap hat joldaǵan joq pa?" dep surady.
"Men ondai hat týraly endi estip otyrmyn. Hat bolǵan kúnniń ózinde kontsertti ótkizý mádeniet organdarynyń quziretine kiredi. Sosyn halyq kimdi tyńdaidy, kimniń kontsertine barady, ózi sheshedi. Eshqandai hat joq. Syrtqy ister ministrligine túsken joq. Biz arqyly ondai hat ótpegen. Menińshe, mádeniet pen ónerde saiasat bolmaýǵa tiis. Jańaǵy ártis bul máseleni óz uiymdastyrýshylary arqyly sheshetin shyǵar", - dedi Smadiiarov.
Osy oraida ministrliktiń resmi ókili jelide taraǵan aqparatqa senbeýge úndedi.
Aita keteri, 8-9 qazanda Astana men Almaty qalalarynda Maksim Galkinniń kontsertin ótkizý josparlanǵan bolatyn. Alaida jeksenbi kúni shoýmenniń kontserti ótpeidi degen aqparat shyqty. "Qazaqkontsert" pen Respýblika saraiy taratqan málimetke sáikes, sahna men sý qubyrynan problema anyqtalǵan.
Buǵan deiin Mádeniet jáne aqparat ministri Aida Balaeva birneshe ret ótpei qalǵan reseilik ánshilerdiń kontsertterine qatysty pikir bildirdi. Aitýynsha, ministrlik kontsertterdi uiymdastyrýshylarǵa is-sharanyń mazmunyna qatysty qatań talap qoiady.
