Tokio qalasynda ótetin álem chempionatyna qatysatyn Qazaqstan áielder quramasy belgili boldy, dep habarlaidy QazAqparat.
Qazaqstan dziýdo federatsiiasy málim etkenindei, 25 tamyz – 1 qyrkúiek aralyǵynda erler men áielder arasynda ótetin dúniejúzilik dodaǵa álemniń 143 elinen 552 sportshy qatyspaqshy.
Qazaqstan áielder quramasynyń bas bapkeri Erlan Alpysbaevtyń aitýynsha, dziýdoshylar qazirgi kezde Almaty oblysynda qyzý daiyndalýda.
«Álem chempionatynda bir qola júlde alamyz ba dep josparlap otyrmyz. Galbadrah Otgontsegegten basqa Sevara Nishanbaevany júldegerler qatarynan kórgimiz keledi. El quramasynda jastar da bar. Mysaly, biyl Taibeide jastar arasynda Aziia chempiony atanǵan Móldir Narynovany aitýǵa bolady. Talantty jastardyń eresekter arasyndaǵy dodaǵa qatysýy olarǵa tájiribe jinaýǵa múmkindik beredi. Taǵy bir daryndy dziýdoshy Aqmaral Naýatbek jaraqatyna bailanysty bul birinshilikke qatysa almaidy», dedi Erlan Alpysbaev.
Sonymen álem chempionatynda el namysyn myna dziýdoshylar qorǵaidy:
Otgontsetseg Galbadrah (-48 kg)
Anna Kaziýlina (-52 kg)
Sevara Nishanbaeva (-57 kg)
Iolanta Berdibekova (-63 kg)
Móldir Narynova (-70 kg)
Zarina Raifova (-78 kg)
Nazgúl Maratova (+78 kg)
