Jer shary turǵyndarynyń 60 paiyzdan astamy klimattyq ózgeristerdi adamzat úshin úlken qaýip pen tótenshe jaǵdai dep sanaidy. Bul BUU Damý baǵdarlamasy mamandarynyń Oksford ýniversitetiniń sarapshylarymen birlesip ótkizgen saýalnama nátijesinde anyqtalǵan.
Zertteýge 50 elden 1,2 mln jýyq adam qatysty. Respondentterge klimattyń ózgerýi jahandyq tótenshe jaǵdai bolyp tabyla ma jáne olardyń klimattyq saiasattyń alty sala: ekonomika, energetika, kólik, óndiris jáne azyq-túlik ónimderin paidalaný, qorshaǵan orta jáne adamnyń qaýipsizdigin qamtamasyz etýdegi 18 basty baǵytty qoldai ma degen suraq qoiyldy.
Suraý qorytyndylaryna sáikes, qatysýshylardyń 64 paiyzy klimattaǵy ózgeristi jahandyq tótenshe jaǵdai dep sanaidy.
«Suraý qorytyndysy ulty, jasy, jynysy men bilim deńgeiine qaramastan, búkil álemdegi elderdiń adamdary klimattyń ózgerýine qarsy kúres júrgizýdiń shuǵyl sharalaryn qoldaitynyn kórsetip otyr», - dep atap ótti BUU DB ákimshisi Ahim Shtainer.
Aita ketsek, 14 qańtarda NASA jyl saiynǵy baiandamasynda 2020 jyl Jer betindegi temperatýranyń tórtjyldyq merziminiń rekordyn qaitalaǵanyn málimdegen bolatyn.
