جەر شارى تۇرعىندارىنىڭ 60 پايىزدان استامى كليماتتىق ٶزگەرٸستەردٸ ادامزات ٷشٸن ٷلكەن قاۋٸپ پەن تٶتەنشە جاعداي دەپ سانايدى. بۇل بۇۇ دامۋ باعدارلاماسى ماماندارىنىڭ وكسفورد ۋنيۆەرسيتەتٸنٸڭ ساراپشىلارىمەن بٸرلەسٸپ ٶتكٸزگەن ساۋالناما نەتيجەسٸندە انىقتالعان.
زەرتتەۋگە 50 ەلدەن 1,2 ملن جۋىق ادام قاتىستى. رەسپوندەنتتەرگە كليماتتىڭ ٶزگەرۋٸ جاھاندىق تٶتەنشە جاعداي بولىپ تابىلا ما جەنە ولاردىڭ كليماتتىق ساياساتتىڭ التى سالا: ەكونوميكا, ەنەرگەتيكا, كٶلٸك, ٶندٸرٸس جەنە ازىق-تٷلٸك ٶنٸمدەرٸن پايدالانۋ, قورشاعان ورتا جەنە ادامنىڭ قاۋٸپسٸزدٸگٸن قامتاماسىز ەتۋدەگٸ 18 باستى باعىتتى قولداي ما دەگەن سۇراق قويىلدى.
سۇراۋ قورىتىندىلارىنا سەيكەس, قاتىسۋشىلاردىڭ 64 پايىزى كليماتتاعى ٶزگەرٸستٸ جاھاندىق تٶتەنشە جاعداي دەپ سانايدى.
«سۇراۋ قورىتىندىسى ۇلتى, جاسى, جىنىسى مەن بٸلٸم دەڭگەيٸنە قاراماستان, بٷكٸل ەلەمدەگٸ ەلدەردٸڭ ادامدارى كليماتتىڭ ٶزگەرۋٸنە قارسى كٷرەس جٷرگٸزۋدٸڭ شۇعىل شارالارىن قولدايتىنىن كٶرسەتٸپ وتىر», - دەپ اتاپ ٶتتٸ بۇۇ دب ەكٸمشٸسٸ احيم شتاينەر.
ايتا كەتسەك, 14 قاڭتاردا NASA جىل سايىنعى بايانداماسىندا 2020 جىل جەر بەتٸندەگٸ تەمپەراتۋرانىڭ تٶرتجىلدىق مەرزٸمٸنٸڭ رەكوردىن قايتالاعانىن مەلٸمدەگەن بولاتىن.
