Gaiti biligi 63 jastaǵy amerikalyq Kristian Emmaniýel Sanondy ustady. Ol Gaiti prezidenti Jovenel Moizdi óltirý maqsatynda birneshe killer jaldaǵan degen kúdikke ilindi, dep habarlaidy "Ult aqparat" BBC agenttigine silteme jasap.
«Sanon Gaitige maýsym aiynyń basynda óziniń jeke ushaǵymen ushyp kelgen. Janynda alty kolýmbiialyq kúzetshisi de bolǵan. Onyń elge kelýdegi «saiasi maqsaty» – tóńkeris jasap, prezident bolý», – dedi Gaiti politsiiasynyń bastyǵy Leon Sharl keibir ministrler qatysqan baspasóz máslihatynda.
Sharldiń aitýynsha, qastandyq jasaýshylardyń taǵy eki jetekshisi bolǵan, alaida olardy aty atalmady.
Sanonnyń úiin tintý kezinde qarý-jaraq pen oq-dáriler tabyldy. Sanonnyń ózi bul týraly ne aitatyny áli belgisiz.
Eske salsaq, Gaiti Prezidenti Djovenel Moiz seisenbiden sársenbige qaraǵan túni rezidentsiiasynda belgisiz adamdardyń shabýylynan qaza tapqan bolatyn. Shabýyl kezinde eldiń birinshi hanymy Martin Moiz jaraqat alyp, aýrýhanaǵa jetkizildi. Sonymen qatar, Jovenel Moizdi óltirdi degen kúdikpen qylmyskerler ustaldy.
