گايتي بيلٸگٸ 63 جاستاعى امەريكالىق كريستيان ەممانيۋەل سانوندى ۇستادى. ول گايتي پرەزيدەنتٸ جوۆەنەل مويزدٸ ٶلتٸرۋ ماقساتىندا بٸرنەشە كيللەر جالداعان دەگەن كٷدٸككە ٸلٸندٸ, دەپ حابارلايدى "ۇلت اقپارات" BBC اگەنتتٸگٸنە سٸلتەمە جاساپ.
«سانون گايتيگە ماۋسىم ايىنىڭ باسىندا ٶزٸنٸڭ جەكە ۇشاعىمەن ۇشىپ كەلگەن. جانىندا التى كولۋمبييالىق كٷزەتشٸسٸ دە بولعان. ونىڭ ەلگە كەلۋدەگٸ «ساياسي ماقساتى» – تٶڭكەرٸس جاساپ, پرەزيدەنت بولۋ», – دەدٸ گايتي پوليتسيياسىنىڭ باستىعى لەون شارل كەيبٸر مينيسترلەر قاتىسقان باسپاسٶز مەسليحاتىندا.
شارلدٸڭ ايتۋىنشا, قاستاندىق جاساۋشىلاردىڭ تاعى ەكٸ جەتەكشٸسٸ بولعان, الايدا ولاردى اتى اتالمادى.
سانوننىڭ ٷيٸن تٸنتۋ كەزٸندە قارۋ-جاراق پەن وق-دەرٸلەر تابىلدى. سانوننىڭ ٶزٸ بۇل تۋرالى نە ايتاتىنى ەلٸ بەلگٸسٸز.
ەسكە سالساق, گايتي پرەزيدەنتٸ دجوۆەنەل مويز سەيسەنبٸدەن سەرسەنبٸگە قاراعان تٷنٸ رەزيدەنتسيياسىندا بەلگٸسٸز ادامداردىڭ شابۋىلىنان قازا تاپقان بولاتىن. شابۋىل كەزٸندە ەلدٸڭ بٸرٸنشٸ حانىمى مارتين مويز جاراقات الىپ, اۋرۋحاناعا جەتكٸزٸلدٸ. سونىمەن قاتار, جوۆەنەل مويزدٸ ٶلتٸردٸ دەگەن كٷدٸكپەن قىلمىسكەرلەر ۇستالدى.
