"Nur Otan" partiiasynyń hatshysy Ǵabidýlla Ábdirahymov partiia ishindegi adamdardyń arasynan oblys ortalyqtary ákimderin tańdaýdy usyndy, - dep habarlaidy kaz.tengrinews.kz.
Ǵabidýlla Ábdirahymov Nazarbaev ýniversitetinde ótken otyrys barysynda "Nur Otan" partiiasynyń birneshe jańa usynys daiyndaǵanyn málimdedi.
"Partiia halyqty estýi kerek, halyqtyń atynan sóz sóileý kerek, halyq neni qalasa jáne olarǵa ne tiimdi bolady sony aitýy kerek. Sondyqtan biz qazir birneshe bastamany usynyp otyrmyz. Búgin birnesheýin aityp ótemin", - dedi partiia hatshysy.
"Oblys ortalyǵynyń ákimi Prezident ákimshiliginiń kelisimimen oblys ákimi bolyp taǵaiyndalady. Bul saiasi jumys, ákimshilik emes. Menińshe, bul jerde, iaǵni, úmitkerdi anyqtaýǵa halyq aralasýy kerek. Sondyqtan biz qazir oblys ortalyǵy ákimi qyzmetine úmitkerler tańdaýǵa arnalǵan jobany iske asyramyz", - dedi Ǵabidýlla Ábdirahymov.
Sondai-aq, partiia hatshysy bul bastamadan soń partiia óńirlik basshylarda tańdaýǵa aralaspaidy degen sóz emes ekenin túsindirip ótti.
