Shymkent qalasynyń ákimi Ǵabidolla Ábdirahymov óziniń jańa qyzmetke taǵaiyndalýyna qatysty pikir bildirdi, dep habarlaidy QazAqparat tilshisi.
«Shymkenttiń megapolis bolatynyn birneshe jyl buryn Prezidenttiń ózi de aitqan bolatyn. Meni bul qyzmetke taǵaiyndaý, bul kútpegen jańalyq boldy. Memleket basshysynyń bul sheshimi meni qatty qýantty. Endi alǵa qoiylǵan mindetterdi iske asyrý úshin barlyq kúsh-jigerimizdi salatyn bolamyz. Biz qalanyń memlekettik basqarý qurylymyn jasap shyǵarýymyz kerek», - deidi ákim Úkimet otyrysynan keiin tilshilerdiń suraǵyna jaýap berip.
Ǵabidolla Ábdirahymovtyń aitýyna qaraǵanda, Shymkenttiń basqarý qurylymyn qaita jasaqtaý, transfertti múlik biýdjetin bólip alý jumysy Túrkistan oblysymen birlese sheshiletin bolady.
«Álbette, qalanyń mártebesi óskendikten, shymkenttikterdiń ómir sapasynyń artýynan úmitti bolary sózsiz. Mine, sondyqtan, biz halyq tabysynyń óskenin sezinetindei jumystar atqarǵymyz keledi. Barlyq salalar boiynsha jumys júrgiziledi», - dedi Shymkent ákimi.
Aita ketsek, búgingi Úkimet otyrysynda Premer-Ministr Baqytjan Saǵyntaev Janseiit Túimebaev pen Ǵabidolla Ábdirahymovty Túrkistan oblysy men Shymkent qalasynyń ákimderi bolyp taǵaiyndalýymen quttyqtaǵan bolatyn.
