شىمكەنت قالاسىنىڭ ەكٸمٸ عابيدوللا ەبدٸراحىموۆ ٶزٸنٸڭ جاڭا قىزمەتكە تاعايىندالۋىنا قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«شىمكەنتتٸڭ مەگاپوليس بولاتىنىن بٸرنەشە جىل بۇرىن پرەزيدەنتتٸڭ ٶزٸ دە ايتقان بولاتىن. مەنٸ بۇل قىزمەتكە تاعايىنداۋ, بۇل كٷتپەگەن جاڭالىق بولدى. مەملەكەت باسشىسىنىڭ بۇل شەشٸمٸ مەنٸ قاتتى قۋانتتى. ەندٸ العا قويىلعان مٸندەتتەردٸ ٸسكە اسىرۋ ٷشٸن بارلىق كٷش-جٸگەرٸمٸزدٸ سالاتىن بولامىز. بٸز قالانىڭ مەملەكەتتٸك باسقارۋ قۇرىلىمىن جاساپ شىعارۋىمىز كەرەك», - دەيدٸ ەكٸم ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرٸپ.
عابيدوللا ەبدٸراحىموۆتىڭ ايتۋىنا قاراعاندا, شىمكەنتتٸڭ باسقارۋ قۇرىلىمىن قايتا جاساقتاۋ, ترانسفەرتتٸ مٷلٸك بيۋدجەتٸن بٶلٸپ الۋ جۇمىسى تٷركٸستان وبلىسىمەن بٸرلەسە شەشٸلەتٸن بولادى.
«ەلبەتتە, قالانىڭ مەرتەبەسٸ ٶسكەندٸكتەن, شىمكەنتتٸكتەردٸڭ ٶمٸر ساپاسىنىڭ ارتۋىنان ٷمٸتتٸ بولارى سٶزسٸز. مٸنە, سوندىقتان, بٸز حالىق تابىسىنىڭ ٶسكەنٸن سەزٸنەتٸندەي جۇمىستار اتقارعىمىز كەلەدٸ. بارلىق سالالار بويىنشا جۇمىس جٷرگٸزٸلەدٸ», - دەدٸ شىمكەنت ەكٸمٸ.
ايتا كەتسەك, بٷگٸنگٸ ٷكٸمەت وتىرىسىندا پرەمەر-مينيستر باقىتجان ساعىنتاەۆ جانسەيٸت تٷيمەباەۆ پەن عابيدوللا ەبدٸراحىموۆتى تٷركٸستان وبلىسى مەن شىمكەنت قالاسىنىڭ ەكٸمدەرٸ بولىپ تاعايىندالۋىمەن قۇتتىقتاعان بولاتىن.
