Búgin «Nur Otan» partiiasynyń Tóraǵasy Nursultan Nazarbaevtyń kelisimi boiynsha partiia Tóraǵasynyń Birinshi orynbasary Muhtar Qul-Muhammed Ortalyq apparat ujymyna partiianyń jańa hatshysy Ǵabidolla Ábdirahymovty tanystyrdy. Al Zaýytbek Turysbekov basqa qyzmetke aýysýyna bailanysty atalǵan qyzmetten bosatyldy, dep habarlaidy partiianyń baspasóz qyzmeti.
Muhtar Qul-Muhammed Z.Turysbekovke partiia qataryndaǵy tiimdi eńbegi úshin rizashylyǵyn bildirip, jańa Dúniejúzi qazaqtary qaýymdastyǵy Tóraǵasynyń birinshi orynbasary qyzmetine tabys tiledi. Zaýytbek Qaýysbekuly atalǵan qyzmetke osy jyldyń maýsym aiynda taǵaiyndalǵan bolatyn.
Ábdirahymov Ǵabidolla Rahmatollauly 1975 jyly 23 qańtarda Ońtústik Qazaqstan oblysynda dúniege keldi.
Ekonomist jáne memlekettik ákimshiliktik basqarý mamandyqtary boiynsha joǵary bilim alǵan. Qazaq, orys, nemis jáne aǵylshyn tilderin jetik meńgergen.
Ár jyldary jaýapty basshylyq qyzmetterde boldy. Atap aitqanda, Memlekettik qyzmet isteri agenttiginiń tóraǵasy, Básekelestikti qorǵaý agenttiginiń tóraǵasy, Premer-Ministr Keńsesiniń jetekshisi, Prezident Ákimshiligi Basshysynyń orynbasary qyzmetterin abyroimen atqardy.
Ǵ.Ábdirahymov «Nur Otan» partiiasynyń hatshysy qyzmetine deiin Shymkent qalasynyń ákimi boldy.
