Ǵabidolla Ábdirahymov Shymkent qalasynyń ákimi laýazymynan bosatyldy, dep habarlaidy "Ult aqparat" Aqordaǵa silteme jasap.
«Memleket basshysynyń Jarlyǵymen Ǵabidolla Rahmetollauly Ábdirahymov Shymkent qalasynyń ákimi qyzmetinen bosatyldy», - delingen málimette.
Ǵabidolla Rahmatollauly Ábdirahymov 1975 jyly 23 qańtarda OQO oblysy Kirov aýylynda dúniege kelgen.
1996 jyly ekonomist-býhgalter mamandyǵy boiynsha Qazaq memlekettik agrarlyq ýniversitetin, 1999 jyly "Bolashaq" baǵdarlamasy boiynsha memlekettik basqarý nemis joǵarǵy mektebin bitirgen.
Eńbek jolyn 1996-1997 jyldary Qazaq memlekettik agrarlyq ýniversitetiniń assistenti bolyp bastaǵan. 1999-2008 jyldar aralyǵynda Qazaqstan Respýblikasy memlekettik qyzmet isteri agenttiginiń mamany, bólim bastyǵy, tóraǵa keńesshisi, tóraǵasynyń orynbasary jáne tóraǵasy laýazymyna deiin qyzmetter atqarǵan.
2008 jyly Qazaqstan Respýblikasy Premer-ministri Keńsesiniń basshysy bolyp taǵaiyndaldy. Al, 2013 jyldan 2015 jylǵa deiin Qazaqstan Respýblikasy Prezidenti Ákimshiligi basshysynyń orynbasary qyzmetin atqaryp keldi.
Aita keteiik, Ǵ.Ábdirahymov Shymkent qalasyn 2015-2017 jyldary aralyǵynda, sondai-aq 2018 jyldyń maýsymynan osy ýaqytqa deiin basqardy. 2017 jylǵy qazan – 2018 jylǵy maýsym aralyǵynda «Nur Otan» partiiasynyń hatshysy boldy.
Qazaq, orys, aǵylshyn jáne nemis tilderin jetik meńgergen. Otbasyly. Eki balasy bar. Qazaq, orys, aǵylshyn jáne nemis tilderin biledi.
