©REUTERS
Gaagadaǵy Halyqaralyq qylmystyq sot Ýkrainadaǵy áskeri qylmysqa bailanysty tergeý jumystaryn bastady, - dep habarlaidy Tengrinews.kz tilshisi HQS saityna silteme jasap.
Prokýror keńsesiniń basshysy Karim Hannyń sózinshe, búginde onyń Ýkrainadaǵy oqiǵalarǵa qatysty qylmystardy tolyq kólemde tergeýdi bastaýǵa barlyq resmi negizi bar jáne dáleldemeler jinaý jumystary bastaldy.
"Men Hak Prezidiýmyna jaǵdaidy dereý belsendi tergeýdi bastaý týraly sheshimim jaiynda habarladym. Bizdiń dáleldemeler jinaý boiynsha jumysymyz bastaldy", - delingen prokýrordyń málimdemesinde.
Karim Han 28 aqpanda Ýkrainadaǵy jaǵdaidy aldyn ala tergeýden týyndaityn jáne HQS quzyretine jatatyn kez kelgen qylmysty qamtityn onyń ákimshiliginiń aldyńǵy tujyrymdary negizinde tergeýdi bastaýǵa sanktsiia suraý týraly sheshim qabyldaǵan bolatyn.
"Sol málimdememde eger Rim statýtyna qatysýshy kez kelgen memleket basqarmaǵa statýttyń 14-babynda kórsetilgendei tiisti túsinik berse, tergeýler edáýir tez ótetinin aittym", - dedi Han.
Prokýror osydan keiin olar HQS-ke qatysýshy memleketterden Ýkrainadaǵy jaǵdai týraly usynystar alǵanyn aitty. Ol óz mindetterin oryndaýǵa kirisip, ózara tolyqtyrý qaǵidatyn saqtai otyryp, obektivti jáne táýelsiz tergeý júrgizýdi qamtamasyz etip, janjaldyń barlyq múddeli tarabymen ózara is-qimyl jasaýǵa umtylatynyn atap ótti.
Aita keteiik, Ýkraina HQS quramyna kirmeidi, biraq buǵan deiin ol 2013 jyldyń 21 qarashasynan bastap elde jasalǵan yqtimal qylmystarǵa qatysty sottyń quziretin moiyndap, eki ótinish bergen.
