https://twitter.com/CIJ_ICJ
BUU-nyń Gaaga halyqaralyq soty Ýkrainanyń Reseige qatysty talap-aryzy boiynsha sheshim shyǵardy, - dep habarlaidy Tengrinews.kz tilshisi Reuters-ke silteme jasap.
Tóraǵa bolǵan sýdia Djon Donahiý sot Resei Federatsiiasynyń Ýkrainaǵa qarsy kúsh qoldanýyna alańdaitynyn, bul halyqaralyq quqyqqa bailanysty máselelerdi týyndatatynyn aitty.
"Sot mynany talap etti: Resei Federatsiiasy 2022 jylǵy 24 aqpanda Ýkraina aýmaǵynda bastalǵan áskeri áreketterdi dereý toqtatýy qajet. Resei Federatsiiasy kez kelgen áskeri nemese qarýly top, sondai-aq, onyń baqylaýyndaǵy uiymdar men tulǵalar Ýkrainada áskeri operatsiialar júrgizýge bailanysty eshqandai shara qoldanbaýy kerek, - delingen sot habarlamasynda.
Resei halyqaralyq sotta "talap-aryzdyń aiqyn absýrd bolýyna bailanysty" tyńdaýlardy ótkizip jibergenin aitty, keiinirek Resei tarapy sot eshqandai shara qoldanbaýy kerek degen jazbasha qujat berdi.
Ýkraina prezidenti Vladimir Zelenskii óz kezeginde sot sheshimin Reseige qarsy iste "Ýkrainanyń jeńisi" dep atady.
Alaida bul sheshim - sottyń aldyn ala sheshimi. Sheshim keiingi qaýly boiynsha talqylaýdan keiin shyǵarylady, ol birneshe jylǵa sozylýy múmkin.
Halyqaralyq qylmystyq sottyń (HQK) prokýrory Kárim Han Reseidiń quzyretti organdarynyń ókilderimen kezdesýge jáne Ýkrainadaǵy jaǵdaidy talqylaýǵa resmi suranys jiberilgenin aitty.
Aita keteiik, Ýkraina HQK quramyna kirmeidi, biraq buǵan deiin ol 2013 jyly 21 qarashadan bastap elde jasalǵan qylmystarǵa qatysty sottyń iýrisdiktsiiasyn moiyndap, eki ótinish bergen edi.
