Búgin elordada fýtzaldan Qazaqstan Kýbogy finalynda oinaityn eki komanda anyqtaldy, dep habarlaidy "Ult aqparat".
Atalǵan týrnir elordadaǵy «Sairan-arena» sport kesheninde ótip jatyr. Onda barlyǵy 8 komanda baq synaǵan bolatyn. Komandalar eki topta synǵa tústi.
A tobynda «Jetisý» (Taldyqorǵan), «Báiterek» (Oral), «Aiat» (Rýdnyi), «Oqjetpes» (Kókshetaý) komandalary sheberlik baiqasty. Oiyndar 5-8 qazan aralyǵynda ótti. Olardyń arasynan «Jetisý» men «Aiat» jartylai finalǵa joldama aldy.
Al V tobynda «Qairat» (Almaty), «Aqtóbe», «Atyraý» jáne «Kaspii» (Aqtaý) klýbtary synǵa tústi. Bul tórttikten «Qairat» pen «Aqtóbe» jartylai finalǵa shyqty.
Jartylai finalda aqtóbelik fýtzalshylar «Aiatty» 3:1, «Qairat» «Jetisýdy» 2:0 esebimen jeńdi.
Endi finalda «Qairat» jáne «Aqtóbe» komandalary kezdesedi. Oiyn «Qazsport» telearnasynan elorda ýaqytymen 11.55-te tikelei efirde kórsetiledi.
