Fýtzaldan Chempiondar ligasy elitalyq raýndyndaǵy qazaqstandyq «Qairat» komandasynyń qarsylastary anyqtaldy, dep habarlaidy QazAqparat.
Búgin Shveitsariianyń Non qalasynda fýtzaldan Chempiondar ligasy elitalyq satysynyń jerebesi tartyldy. Onda qazaqstandyq «Qairat» komandasynyń qarsylastary belgili boldy.
Almatylyq klýb A tobynda synǵa túsedi. Qarsylastary - Reseidiń «Tiýmen», Belarýstiń «VitEn» jáne Frantsiianyń «Aner-Vilnev» komandalary.
Aita ketsek, qazaqstandyq komanda «Tiýmen» klýbymen biyl atalǵan týrnirdiń negizgi satysynda kezdesip, olarmen 3:3 esebimen teń tústi.
Al «Aner-Vilnev» jarystyń atalǵan satysynda qazaqstandyq «Atyraýdy» 6:0 esebimen jeńgen edi.
Ózge toptardaǵy komandalardyń bólinisi tómendegishe:
V toby: «Sportin» (Portýgaliia), «Hovokýbo» (Niderlandy), «Olmissým» (Horvatiia), «Sinara» (Resei)
S toby: «Plzen» (Chehiia), «Dobovets» (Slovakiia), «Halle-Gooik» (Belgiia), «Barselona» (Ispaniia)
D toby: «Benfika» (Portýgaliia), «Ýragan» (Ýkraina), «Haladash» (Vengriia), «Levante» (Ispaniia).
Elitalyq raýnd 30 qarasha men 5 jeltoqsan aralyǵynda ótkiziledi. Al finaldyq raýndqa árbir toptyń jeńimpazy joldama alady. Finaldyq oiyndar oǵan shyqqan komandanyń biriniń alańynda bolady. Bul oiyndar 2022 jyldyń 28 cáýiri men 1 mamyr aralyǵyna belgilengen.
«Qairat» elitalyq raýndta biyl 15 márte baq synaidy.
