Qazaqstandyq «Qairat» jáne «Aiat» klýbtary fýtzaldan UEFA Chempiondar ligasy elitalyq kezeńine joldama aldy, dep habarlaidy "Ult aqparat".
«Qairat» jarystyń negizgi kezeńinde tórtinshi topta synǵa tústi. Olar alǵashqy eki kezdesýde Reseidiń KPRF komandasynan 0:3, odan keiin Ispaniianyń «Mýrsiia» klýbynan 2:3 esebimen jeńilip qaldy. Jarys erejesi boiynsha árbir toptan alǵashqy úsh oryndaǵy komandalar týrnirdiń kelesi satysyna joldama alatyn edi. Nátijesinde «Qairat» sońǵy oiynda búgin Vengriianyń «Berettoýifal» klýbyn 3:0 esebimen tize búktirdi. Osylaisha jarysty jalǵastyrýǵa múmkindik aldy.
UEFA Chempiondar ligasynda biyl tuńǵysh ret baq synaǵan Rýdnyidyń «Aiat» klýby da atalmysh týrnirdiń elitalyq kezeńinde el namysyn qorǵaidy. «Aiat» alǵashqy kezdesýinde Litvanyń «Vitisinen» 5:4 esebimen basym túsip, odan keiin Ispaniianyń «Barselonasynan» 1:7 esebimen jeńildi. Búgin olar Reseidiń «Tiýmen» komandasyna 3:8 esebimen jol berdi. Nátijesinde úshinshi topta alǵashqy úshtikten kórinip, jarysty jalǵastyrýǵa múmkindik aldy.
UEFA Chempiondar ligasy elitalyq kezeńi 19-24 qarasha kúnderi ótkiziledi. Al finaldyq satysy 2020 jyldyń 23-26 sáýir kúnderi bolady dep kútilýde.
